«اقلعي الجزمة»..اتيكيت جديد لـ أمينة شلباية يثير الجدل

تسببت خبيرة الاتيكيت أمينة شلباية في جدل كبير على صفحات السوشيال ميديا بسبب فيديو لها بعنوان: اقلعيها على الباب وأنتي داخلة".

جاء محتوى الفيديو لمشهد تمثيلي لأمينة شلباية وهي تقوم بزيارة أحد المقربين لها وتقوم بالدخول للمنزل بحذائها"، حيث جسدت دور الأشخاص الذين يرفضوا خلع الحذاء عند زيارة الآخريين، وعلقت على الفيديو وقالت: "اللي حصل ده مرفوض، أول ما تخش بيت وتلاقي أنهم حاطين مكان للجزم، متخليش حتى صاحبة البيت تقولك".

وجاء ذلك في إشارة منها أنه من قواعد الإتيكيت ضرورة خلع الحذاء قبل دخول أي منزل، حيث قالت: "احترم قواعد البيت، روح على طول وأقلع الحذاء من غير ما هي تقولك، ده نظام البيت، ناس كتير قالتلي هو ده اتيكيت أو أصول".

وتابعت: "مفيش حاجة أسمها أصول ومش أصول، ده نظام البيت، اللي بيقلعوا الجزم لازم تمشي بقواعدهم، مفيش حاجة صح وغلط..أحنا نحترم البيت اللي أحنا داخلينه، ومنخليش أبدا صاحبة البيت تنبهنا لحاجة زي كده، ولو نبهتنا نخلي عندنا ذوق ونقلع الحذاء".

وتفاعل مستخدمي مواقع التواصل الاجتماعي، مع الفيديو الذي حقق في ساعات قليلة نصف مليون مشاهدة، وانقسموا حوله فمنهم من أيد فكرتها وقال أن زيارة منزل أي شخص يجب أن تكون زيارة خفيفة اتتبع فيها نظام أصحابه، وفي حال لدي تحفظ على تصرفاتهم فالحل الأمثل عدم زيارتهم.

وقالت أخرى: "بعيد عن الاصول والاتيكيت .. الشوارع عندنا مش نظيفة ولا كل الناس عندها عربية خاصة بيها مينفعش ادخل البيت وابهدل للناس بيتهم حتى لو مطلوبش هما بخلع الحذاء".

وقالت أخرى: "في تركيا دايما بيحصل عشان مفيش اي طاقات سلبية تدخل معاك البيت، وتبقي مجهز سلبير او شبشب حتي عشان عدد الضيوف وجه كمان في تركيا وعادات جميلة مميزة".

والفريق الآخر تبنى فكرة رفض اتيكيت أمينة شلباية الجديد، وقال أن تلك الطريقة تكون بها قلة ذوق للضيوف، لذلك يجب عدم اتباعها حتى لا تثير غضب ضيوفنا.

واعتادت أمينة شلباية على نشر مقاطع فيديو توعوية لتعليم الناس فن الاتيكيت.