محمود حافظ لـ«العاصمة»: «بابا المجال رجعتنا لدراما الحارة المصرية»

التقت «العاصمة» مع النجم محمود حافظ الذى أعرب عن سعادته بنجاح موسم الدراما الماضي خاصة بنجاح «بابا المجال».

وأكد محمود حافظ لـ«العاصمة»: «المعلم فرج ومراسي في بابا المجال مكسرين الدنيا عاملين دويتو جامد وكبير وكان لية صدى كبير بين المتابعين ومبسوط بردود الأفعال». 

وأضاف: «المسلسل كتابته مختلفه شويه بيحسسك شويه بأجواء الدراما اللي إفتقدناها من فترة طويلة زى ليالي الحلمية كدة نفس المواضيع والجو الأسرى فيها بس إحنا عيلة شمال وعيلة ربنا يشيلنا من على وش الأرض اللي هي العيلة الموجودة في المسلسل فالحمد لله مبسوط يعنى لبعض ردود الأفعال الموجودة فالحمد لله رب العالمين».

وأكد أن جومانة مراد نجمة وممثلة شاطرة جداً وبتحب شغلها ودؤوبة جداً للشغل وأنا بحب الشغل جداً فكان بيننا وبين بعض كيميا حبيتها طبعاً من خلال التعامل بيننا في الشغل أول مره أتشرف بيها على المستوى الشخصي في خلال العمل فكننا دايماََ محمسين بعض وكننا دايماََ مشجعين بعض على اللي احنا بنعمله. 

ووجه محمود حافظ الشكر للمخرج أحمد خالد على، وقال: «شكراً ليك يا أستاذ أحمد دايماََ تاج على رأسنا لأن دي تاني تجربة تضمنا في فيلم رمسيس باريس وبابا المجال فأنا بشكره جداً على التعاون ما بيننا وبين بعض ربنا يكملها بالخير بيننا وبين بعض». 

وعن مشاركته فى مسلسل «حضرة العمدة» أكد «حافظ»، أن شركه فنون مصر دي تاني تعاون معاها لأن إشتغلت معاها فى جبل الحلال كنت بعمل دور صغير مع النجم الراحل الأستاذ محمود عبد العزيز مؤكدا الأستاذ شادي مقار سنه 2011 أثناء الثورات الموجودة في مصر كننا إحنا بنعمل مسرحية إسمها مسرحيه البدروم على مسرح الهوسابير كان حريص إن كل يوم يجي يتفرج على العرض كان حريص كل يوم أنه يجيب لي ناس مهمة يجوا يتفرجوا عليا والله العظيم بأمانة جابلنا في مره الأستاذ محمود عبد العزيز وخلي الراجل ده يأمن بيا فالشركة ديه ليها وضع معين عندي بصراحة أما بالنسبة للأستاذ عادل أديب فعملت معاه مسلسل زمان إسمه مكان في القصر سنه 2013 مع شركه الشروق وهم اللي عملوا مسلسل السبع وصايا يعني مسلسل السبع الوصايا هو اللي صعدني بس كان هو سبب من ضمن الأسباب أنا فخور طبعاً بالتعاون معاه أما بالنسبه بقى على مستوى العمل اللي إحنا شغالين فيه حضره العمدة إنت بتناقش قضايا مهمة جداً بتناقش تمكين المرأة بتناقش ختان الإناث و الهجرة غير شرعية التطرف الدينى ففي مسدجات كتير للناس يعني.

وأكد محمود حافظ فى رسالتة لجمهوره أكد يارب دايماََ أكون عند حسن ظنكم دايماََ ودايماََ بتحملوني المسؤولية لأن كل أما الممثل ما بينجح بيزيد مسؤولية بقعد أفكر وأقول ماذا بعد إيه اللي هقدمه فيما بعد فدايماََ ببق خايف من المنطقة دي.

وعن مشاركتة فى رمسيس باريس أكد إن شاء الله يارب يكون الفيلم لايت كده وأقدر أزرع الإبتسامة على وجوه الناس يارب.