محمد رضوان لـ«العاصمة»: بسعى للعمل مع حنان مطاوع و«بابا المجال» واقع حقيقي

فى لقاء خاص لـ«العاصمة»، أكد النجم محمد رضوان، عن سعادته الكبيرة بجميع الأدوار التى شارك بها في دراما رمضان الماضي، وإبداعة فى رجب الخانكه في دراما «بابا المجال».

وعن مشاركتة فى مسلسل «وعود سخية» مع النجمة حنان مطاوع، قال: «الحمد لله الحمد لله مع تعدد الأدوار بس الحمد لله الأدوار إختلفت وكل دور كان له سمته وكان له طريقته وله تفاصيله فالحمد لله ده عاملى سعاده كويسه إن الناس شايفه إن المعلم فهيم غير رجب الخانكة غير الشيخ لبلوب في الصفارة فالحمد لله يعني وعن بابا المجال وصراع الديابة أكد محمد رضوان».

وأضاف: «والله يعني متعرفش ما هو ممكن يكون ده حاصل في الواقع بس هو عالم إفتراضي أقرب إلى الواقع الناس اللي هي بتاكل في بعض دي والناس اللي هي اللى بياكلوا الحرام وعلى قلبهم زي العسل ده أكيد مقولة المسلسل.. اللي يأكل الحرام .. الحرام يأكله».

وعن مشاركتة فى بابا المجال والتعاون مع النجم رياض الخولي وباسم سمرة أكد محمد رضوان أنا بستمتع جداً بالعمل مع الأستاذ رياض الخولي اشتغلنا أكتر من حاجه لسه مخلصين أولاد عابد مع بعض وإتقابلنا كننا مستمتعين جداً مع بعض وباسم سمره كنت أول مره أشتغل معاه بس والله شغلي معاه كان طالع حلو جداََ واستمتعنا جداً يعني.

وعن مشاركته مع النجمة حنان مطاوع: «والله أنا حنان مطاوع دى من الناس اللي يعني أنا بسعى إنى أشتغل معاها لأنها شخصية أولاََ إنسانه محترمه جداََ وثانياََ موهوبه موهوبه موهبه كبيره فأنا لما بشتغل معاها بحس إن أنا سعيد وعملنا شغل مع بعض حلو مع بعض في وعود سخية». 

وعن كيفية قيامة بتهدئة أعصابة في بابا المجال بالتكسير وسؤالة كيف يهدئ أعصابة في الواقع أجاب ضاحكا كانت حاجه جديده دي والله يعني ده كان لون مختلف في الدراما إن حد ممكن يعمل أوضة يكسر فيها وده بيحسسه بأن هو بيعمله هدوء أعصاب وكده أه حاجه Funny كده بس كانت لطيفه يعني.