«يا أخي ده ابن بلدك».. عمرو أديب يستنكر الهجوم على محمد فؤاد بسبب تصريحاته في حفل السعودية

استنكر الإعلامي عمرو أديب الهجوم الذي تعرض له الفنان محمد فؤاد عبر مواقع التواصل الاجتماعي أمس، عقب إلقائه كلمة عبر فيها عن سعادته البالغة بالغناء أمام جمهوره في السعودية لأول مرة.

وقال "عمرو" خلال تقديمه برنامج "الحكاية" عبر قناة MBC مصر: "كل ما فنان يروح حفلة في الرياض وقبل من يمشي تلاقي هجوم على السوشيال ميديا عنيف جدا على الفنان، حتى لو الحفلة ناجحة ومكسرة الدنيا، وقبل ما يوصل بلده يكونوا قطعوه حتت، ويسيبوا الحفلة كلها ويمسكوا في كلمة".

وتابع: "اللي إتعمل في محمد فؤاد من إمبارح غير طبيعي، ونفس الشيء إتعمل مع اللي قبله، وبعض المصريين بيكسروا الفنانين وعمري ما فهمت السبب، ولو الفنان راح دبي أو الكويت أو تركيا ولا حد يقول حاجة".

واستطرد: "لمصلحة مين اللي بيحصل، الراجل حس إن في ترحيب وتفاعل كبير من الناس قال لهم كلمتين حلوين، حصل إيه يعني، ليه نعمل كده في ولادنا".

واختتم عمرو أديب حديثه: "ناس تقول رايحين علشان الفلوس، وهو في حد بيروح أي شغل علشان أسباب أخرى؟ راجل بقاله 40 سنة بينحت في الصخر لغاية ما بقى إنسان عظيم، إيه المانع ياخد مقابل جيد لشغله، مضيفًا: "اللي حصل مع محمد فؤاد حصل مع كل الفنانين اللي سبقوه وغنوا في السعودية، حتى لو قال كلمة زيادة شوية أو خانه التعبير، يا أخي ده ابن بلدك".

وفي سياق متصل، كان محمد فؤاد، قد أحيا مساء أمس حفله الغنائي الأول في السعودية، ضمن حفلات موسم جدة، وشاركه في هذه السهرة الغنائية النجم أحمد سعد.

وأعرب محمد فؤاد عن سعادته بالغناء في السعودية قائلا: "حلم أننا نغني لأعظم ناس على وجه الأرض، السعودية ساكنة جوه قلب كل الوطن العربي، الشعب السعودي اللي علمنا يعني إيه أخلاق وكرم، وبحبكم من كل قلبي، والله ممكن أبطل الغناء بعد الاستقبال ده".

وبدأ محمد فؤاد حفله على مسرح بنش مارك بأغنية "حبيبي يا"، وبعدها أغنيته الشهيرة "كمانانا" من فيلم "إسماعيلية رايح جاي".

إقرأ أيضًا: لأول مرة.. عمرو دياب يغني مع تامر حسني بحفل زفاف الفنان أحمد عصام