تعليق ناري من تامر أمين على طلاق أحمد سعد: "بيتجوز ويطلق أكتر ما بيغنى"

علق الإعلامي تامر أمين، على خبر انفصال الفنان أحمد سعد عن زوجته مصممة الأزياء علياء بسيوني، بعد إعلان طلاقهما اليوم.

وقال تامر أمين خلال تقديمه برنامج "آخر النهار" عبر قناة النهار: "أحمد سعد طلق للمرة الرابعة، زيجات وطلاقات وخناقات أحمد سعد الزوجية أكثر من أغنياته، ما بين أغنية وأغنية في جوازة أو طلاقة أو خناقة في النص، وهو طالع في برنامج يشتم طليقته، وطليقته ترجع ترد عليه وتشتمه، فوجئنا من طليقته علياء أنها كتبت أنه طلقها".

وأضاف: "أي حد هيقولي ما تدخلش دي حياته الخاصة، بس تعلمنا إن النجوم حياتهم مش خاصة ودي ضريبة النجومية، بالإضافة إلى أنهم هما اللي بيتكلموا عن حياتهم الخاصة في الإعلام وشوفنا ده كتير، فلا يلوموا إلا أنفسهم".

وتابع: "أحمد سعد عارف إني بحبه جدا، وكنت من أكثر المذيعين اللي شجعوه في بدايته، وربنا كرمه من وسع، لكن عايزه يهدا شوية في موضوع الجوازات يا أبو حميد".

واستكمل: "واحدة واحدة يا ابني إنت لسه صغير وبسم الله ما شاء الله فرمت أربعة، إيه هتكمل الدستة؟!"

أوضح تامر أمين أن طلاق أحمد سعد وعلياء بسيوني لم يكن متوقعا بقوله: "أنا وكثير من الناس توقعوا إن الزوجة الرابعة بالذات هتحافظ عليها أوي يا أحمد، لأنها كانت وش الخير عليك أوي، ومن ساعة ما إتجوزتها وكل ما تكح في أغنية تنجح".

علياء بسيوني تكشف تفاصيل انفصالها عن أحمد سعد

يذكر أن مصممة الأزياء علياء البسيوني أعلنت انفصالها عن الفنان أحمد سعد وذلك عبر خاصية الإستوري على حسابها بموقع إنستجرام، وجاء الطلاق بعد زواج لمدة عامين، بعد إنجابها لطفلتها الثانية منذ شهر.

وقالت علياء في منشور لها: "الحمدلله على كل شي.. تم الطلاق بيني وبين أحمد من شوية بناءً على رغبته، حابة أشكر أحمد جدًا على أصله الغير طيب، ومعدنه السئ.. وحابة أقوله شكرًا على قرارك اللحظي الغير موفق في خراب بيتنا وتدمير أسرتنا الجميلة، اللي أنا حقيقي تعبت فيها لوحدي تمامًا وحاولت وعديت بمواقف مفيش حد في مكاني يقبلها.. عشان الأسرة دي وعشان المشوار اللي أنا ابتديته ومكنتش حابة إنه ينتهي".

وأضافت: "شكرًا على توقيتك الجميل وأنا قاعدة ببنتي 3 أيام وأنت مش عارفة حاجة عشان مشغول الساحل وخروجاته وبعدها شغلك، أكبر شكر على المقلب اللي أنا اخدته في العلاقة دي واللي كنت فاهمة إن ليها قيمة ببني وبضحي وبتنازل عشانها وأنت طلعتها ولا تسوى ربنا معايا أنا وبناتي في اللي جاي وينتقم منك ويديلك على قد كل حاجة حصل".

اقرأ أيضا: بسمة وهبة لـ أحمد سعد بعد انفصاله عن زوجته: «الشهرة غيرتك.. اوعى لما تعلى تديها كتف»