ماجد الكدواني:«أنا هلهلي ومراتي حكيمة ورزينه وهي اللي ظبطت حياتي»

حل الفنان ماجد الكدواني ضيفا، أمس الأثنين، على برنامج "صاحبة السعادة" مع الفنانة إسعاد يونس عبر فضائية dmc.

وتحدث الفنان ماجد الكدواني، عن كيفية زواجه، وعلاقته بزوجته، قائلا، "أنا عبيط أوي ومدهول وأنا بحب، وهي ست عاقلة ووقورة من صغرها وبرج الميزان، في سنة ثالثة روحت أقول لها أنا معجب بيكي لو تسمحي إن إحنا نتقرب، فقالت أنا مش بفكر في الموضوع دلوقتي، لكن عندي طلب واحد".

واستكمل، ""طلبت مني كل يوم الصبح لما أشوفها أصبح عليها، وبقيت كل يوم أصبح عليها 10 مرات، علشان أثبت إن مفيش عداوة وأنفذ الوصية، في سنة رابعة قربنا من بعض، وكان المفروض تهاجر أمريكا مع والدتها ووالدها، وأنا كان المفروض أهاجر أمريكا ومش عايز".

وعن علاقته بزوجته، تحدث قائلاً: "أنا إنسان مطلوق وهلهلي، وهي حكيمة ورزينة وعاقلة، اصطدمنا ببعض شوية لغاية ما الأيام أثبتت إن ربنا كتبلي إنسانة مفيدة جدا علشاني".

ويستعد ماجد الكدواني، لعرض فيلم "أبو نسب" بالاشتراك مع محمد إمام وياسمين صبري وإخراج رامي إمام .