طارق الشناوي: هاجمت منير وهنيدي وغيرهم.. ومصطفى قمر مش عايز يتعظ
كتب: عزة عبد الحميد
علق الناقد طارق الشناوي، على أزمته مع الفنان مصطفى قمر بعد انتقاده لفيلم "أولاد حريم كريم".
وقال طارق الشناوي لكاميرا er بالعربي، "أنا هاجمت تامر حسني في آخر أفلامه ما زعلش بالعكس كلمني في التليفون وكذلك محمد هنيدي هاجمته في فيلمه الأخير واتقابلنا في مهرجان الدراما ومحمد منير كان ليا انتقادات على بعض أعماله.. هل زعل اطلاقا.. لو عاوز يطلع من الكبوة يتعظ من كل الأسماء دي".
وأضاف، الشناوي، : ليا الحق أني اتكلم عن مصطفى قمر كمطرب، مش الفشل ده بتسمعه بودنك وله علاقة بالحفلات.. وفين أغانيه اللي بتنجح؟ وفيه تلات أغاني طرحها في الفيلم هل الناس رددت حاجة منهم.. فيه هزيمة فنية بيعيشها وبيواجهها وهو بعد كثير عن المقدمة اللي كان فيها لأنه كان مطرب واعد وومثل واعد".
View this post on Instagram
كما أكد طارق الشناوي أنه سيقاضي مصطفى قمر بسبب رده عليه بعد انتقاده فيلمه أولاد حريم كريم مشيرًا إلى أن رده يحمل سبا وقذفا.
فيلم "أولاد حريم كريم" بطولة مصطفى قمر وبشرى، بسمة، تيام قمر وإخراج علي إدريس.
