أحمد فهمي: «حنان يوسف خافت تضربني بالقلم.. واتعاد أكتر من مرة» (فيديو)
كتب: شاهيناز خليفة
تحدث الفنان أحمد فهمي، عن تعاونه مع الفنانة حنان يوسف وكواليس مشهد ضربها له، وذلك خلال لقائه في بودكاست سفاح الجيزة التي تقدمه الإعلامية إنجي أبو السعود المذاع عبر منصة شاهد.
وقال فهمي خلال حديثه عنها: «مشهد لما حنان يوسف ضربتني بالقلم اتعاد كتير عشان هي مكنتش قادرة تضرب جامد، وهي في المشهد ده خافت».
وأضاف: «وأنا بصتي في المشهد ده كانت مش طبيعية عشان كان جوايا مشاعر مختلطة ما بين إن أنتِ السبب في كل حاجة، وفي نفس الوقت أنا من غيرها ولا حاجة، ففكرت في كل ده والريأكشن طلع لوحده».
واستكمل فهمي حديثه عن حنان يوسف وأنها معلمته الأولى في مجال التمثيل، قائلا: «حنان يوسف أول واحدة اتعلمت معاها تمثيل، كانت بتديني ورش تمثيل برايفت ومكناش مصدقين إن الأيام لفت وهي بتعمل أمي دلوقتي في المسلسل».
وكانت حنان يوسف تحدثت عن مشاركتها معه، قائلة: «تقمصت شخصية أم السفاح والحالة نفسها كانت مزعجة، علشان أعرف اتصرف في الشخصية، وشوفت شخصيات كده في الحقيقة لكن مكنش بالحدة دي».
اقرأ أيضًا: طارق الشناوي ينتقد أغاني عمرو دياب: «بياخدوا الحكم اللي على التكاتك» (فيديو)
