طارق الشناوي عن الزعيم عادل إمام: «قالي بقالك مدة مبتشتمنيش وقلقت عليك»

 كتب:  مؤمن نصر
 
طارق الشناوي عن الزعيم عادل إمام: «قالي بقالك مدة مبتشتمنيش وقلقت عليك»
عادل إمام

تحدث الناقد الفني طارق الشناوي، عن الزعيم عادل إمام وتفاصيل مكالمتهما مؤكدًا أنها احتوت على روح الدعابة المعتادة من الزعيم.

وقال طارق الشناوي في لقائه بأحدى البرامج التلفزيونية: مرة كنت راجع من مهرجان فنيسيا، لاقيته أتصل بيا على التليفون الأرضي، وقالي فينك بقالك مدة مبتشتمنيش أنا قلقت عليك، كنا سنة 2009 وآخر أفلامه 2010 وبعدين اتجه للدراما، وكلامه ليا كان بسخرية جميلة أتقبلها، وخدناها كنكتة وضحك.

كما علق الناقد الفني طارق الشناوي، على ترشح فيلم فوي فوي فوي، بطولة الفنان محمد فراج، للمنافسة على جائزة أوسكار أحسن فيلم دولي، ليعد الفيلم المصري الوحيد الذي ينافس على الجائزة في الأوسكار.

وأضاف: إحنا بنعاني في المهرجانات الداخلية في إننا نلاقي فيلم مصري يمثلنا في أي مكان، أنت كمصري نفسك يكون في فيلم يمثلك، لأن الأمور مش ماشية في اتجاه مظبوط واللغة السينمائية اللي بتتقدم بعيدة عن ما وصلت إليه اللغة السينمائية العالمية، ويا إما الفيلم بيترفض ومش بنشارك يا إما لا نحصل على أي شيء.

وتابع: فوي فوي فوي، هو فيلم كتبه وأخرجه عمر هلال، عن قصة حقيقية ودايمًا أفلام الهجرة موجودة في العالم كله ولكن بيكون غطائها تراجيدي، هي بتكون مأساة طبعًا والأفلام دي بيكون عنوانها دايمًا بيكون فيه حريق أو نار أو حرقة باللهجة المغربية، وفيلم فوي فوي فوي عمل الفكرة المؤرقة دي بأسلوب كوميدي وده إنجاز.

وأوضح: الكتابة والمونتاج والإيقاع والتصوير، كله فيه فكرة، وأنا ضد أن يتقال أفلام الزمن الجميل، كل زمن له جماله وكل زمن له قانون للجمال وله أيضًا قبحه، وفي أفلام حتى مستوى التهريج مش عارفة توصله.

اقرأ أيضاً: طارق الشناوي ينتقد أغاني عمرو دياب: «بياخدوا الحكم اللي...

طارق الشناوي: محمد رمضان المطرب أفضل من نجم السينما.. واختياراته...