بعد وصفه بالكومبارس.. تامر حسني يدعم رامي نادر: «أتمنى أقابلك وهنعمل شغل مع بعض»
كتب: نسرين إبراهيم
حرص الفنان تامر حسني، على دعم الممثل الشاب ومدرب التمثيل رامي نادر، بعد تعرض الأخير لبعض التعليقات السلبية عبر السوشيال ميديا، ووصف أحد المتابعين له بـ"الكومبارس"، مستنكرا عمله كمدرب تمثيل وأنه غير مشهور، وقابل نادر الإساءة هذه بتعليق وصفه البعض الآخر بكونه جدير بالاحترام.
ووجه تامر حسني، رسالة للمثل الشاب، عبر حسابه الرسمي على إنستجرام، بعد إعادة نشر المنشور الخاص به، وعلق، قائلا: "لفتت نظري البوست ده، أستاذ رامي أنت فنان محترم وردك حقيقي راقي رغم تعرضك لكلام محبط، أنت مردتش الاساءه بالاساءة، وده ليه اعتبار كبير أوي فوق ما تتصور عند ربنا قبل البشر، وممكن تكون جواك زعلت بس أكيد التعليق اللي زعلك ده ممكن يكون سبب في حاجه تفرحك قريب وهتشوف كلامي وأنا شخصياً مكنتش عارف انك بتمرن تمثيل وعرفت من البوست ده وهبعتلك شباب يتمرنوا عندك وأتمنى اقابلك واتعرف عليك ونفتح باب شغل مع بعض".
وأضاف: "وأتمنى من الشاب اللي كتبلك كده إنه يراجع نفسه وميحاولش يحبط حد تاني لأن الكلمه المحبطه فعلاً ممكن تموّت بجد ويكون تأثيرها اكبر من السلاح.. التعليق السلبي اللي أي حد بيكتبه بمنتهى البساطه وهو في بيته بيضحك، ممكن يكون سبب في قتل حد نفسياً أو يكون سبب في تدمير أسرة أو سبب في جرح روح كانت فرحانة ومتفائله وبسببك كل ده اتهد…. ربنا يوفقك يا فنان يا محترم".
واختتم: "يا شباب خلونا رحيمين على بعض عشان ربنا يرحمنا.. عشان كل ما بقيت رحيم في كلامك هتلاقي ربنا بيسخرلك في عز زعلك وإحباطك ناس تفرح قلبك بالكلام الرحيم اللي يقويك على الدنيا".
اقرأ أيضا: بعد صفعها لـ ميدو عادل.. مؤلف مسرحية «سيد درويش»: لقاء سويدان نفذت نيتها
View this post on Instagram
