لقاء سويدان: «لو في خلاف بيني وبين زميل مش هطلع أشتمه في برنامج .. دي مش أخلاقي»

 كتب:  شاهيناز خليفة
 
لقاء سويدان: «لو في خلاف بيني وبين زميل مش هطلع أشتمه في برنامج .. دي مش أخلاقي»
لقاء سويدان - وميدو عادل
 
 

تحدثت الفنانة لقاء سويدان، عن تسبب صفعها للفنان ميدو عادل في العرض الأخير لمسرحية "سيد درويش"، فضلا عن تعرضها للسب وهجوم عنيف خلال الأيام الماضية، وذلك خلال بث مباشر لها عبر صفحتها الرسمية على موقع الصور والفيديوهات الشهير «إنستجرام».

وقالت سويدان خلال البث المباشر: «مش عايزة أطلع أرد، رغم أني بتهاجم في البرامج، بيتصلوا بيا يقولولي ردي فارفض وأتشتم».

وتابعت: «حتى لو في خلاف بيني وبين زميل، مش هطلع أشتمه في برنامج دي مش أخلاقي، لأن لو اتكلمت عليه ده هيجرني لخلاف أكبر، بس بيشتموني في البرامج بس عادي ياما ناس أهم وأكبر مني واتشتموا، الموضوع مع جهات تحقيق».

وأضافت: «الموضوع مش من أول امبارح الموضوع من 26 أغسطس اللي فات، وأنا ست اشتغلت مع سعاد حسني وأحمد زكي، وأنا عندي 49 سنة وأنا كبيرة ومش مضايقة من سني والحمد لله مبسوطة بصحتي وبشكلي المناسب  في السن ده».

واستكملت حديثها، قائلة: «المشكلة كانت على طريقة شغل فملهاش علاقة بسن أو بشكل وأنا ست محترمة بحترم نفسي وكرامتي، وأنا اتربيت احترم الكبير وعمرى ما تخطيت حدودي ولا أهنت حد كبير في حياتي».

وأضافت: «والناس اللي بتشتم فيا شكرا جدًا على كلامكم ، اللي بيحبني هيحبني واللي مش بيحبني عادي مش كل الناس هتحبني، ومفيش حد اجتمعت الناس على حبهم ده حتى الانبياء والرسل الناس كمان شتموا فيهم».

واختتمت حديثها، قائلة: «الموضوع قيد التحقيق فيه فيديوهات متصورة وصور وكاميرات مراقبة شافت الواقعة، ومفيش داعي أن الناس تكبر المواضيع».

اقرأ أيضًا: مينا مسعود عن عمله بمصر: عايز أكرر تجربة عمر الشريف ومعنديش تحفظات ناحية الستات