مايا دياب: الست مش واخده حقها في لبنان وبكره كلمة مطلقة
كتب: نسرين إبراهيم
تحدثت الفنانة اللبنانية مايا دياب عن أسرار حياتها الشخصية والقضايا الحياتية والتي تخص المرأة بشكل عام، بجانب التطرق لطفولتها.
وقالت مايا دياب خلال لقائها مع أنس بوخش، ببرنامج AB Talks: اشتغلت وأنا عندي 13 سنة وفي الوقت اللي كان المفروض أتبسط فيه كنت بشتغل وبروح المدرسة في وقت واحد، حياتي كلها شغل من طفولتي لـ دلوقتي، والشخص اللي بيشتغل من بدري بينسى يعني إيه طفولة، فبعوض طفولتي في بنتي.
وأضافت مايا دياب: في بلدي المرأة ما خدتش حقها، فأنا مناصرة للمرأة بشكل كبير، وبلاقي إن هي النهاردة اتقدمت كتير في كل المجالات في كل الدول العربية، لكن في لبنان لسة متأخرين جدًا في حقوقها المدنية وكل الحقوق.
وتابعت مايا دياب، متحدثة عن علاقتها بطليقها بعد الانفصال: لما كنت بتسأل طول الفترة اللي فاتت إنتي مطلقة ولا متجوزة؟ مكنتش بجاوب، كنت عايزة أحافظ على حب العيلة لبنتي، لأن باباها كان بييجي يشوفها وقت ما يحب، ومعنديش شروط خالص لده، ده أبوها وإنسان كنت بحبه ومازلت بحبهم، وبكره كلمة مطلقة، هي يا إما متزوجة يا إما single.
اقرأ أيضا: محمد رمضان يثير الجدل بتصنيفه للممثل: «الفنان صادق ويشبه الناس والنجم متجمل ومادي»
