أميرة سيد مكاوى تكتب: أكرم حسنى موهبة كبيرة وعنده حضور
كتب: أميرة سيد مكاوى
أعتقد أن هذه هي المرة الثانية التي يجتمع فيها أكرم حسني مع المخرج خالد الحلفاوي، المرة الأولى كانت في مسلسل "الوصية"، التوليفة كانت ناجحة وخالد بيعرف يطلع من أكرم حسني أنجح حاجة فيه.
أكرم حسني موهبة كبيرة ممثل وكوميديان ومؤلف كلمات وملحن ومؤدي شاطر وعنده حضور.
الموهبة التي من هذا النوع يصير التعامل معها "مش سهل زي ما ممكن تتصور"، بالعكس هو يا تستخدم صح ويطلع منها "الوصية" و"مكتوب عليا"، أو غلط فيطلع منها "رجالة البيت" اللي مكانش ناجح خالص.
القصة بسيطة وإيهاب بليل والورشة اللي بتكتب معاه، قادرين ينسجوا حدوتة ضاحكة من غير فذلكة إفيهات، ضحك طالع من جوة الحكاية.
وخالد الحلفاوي مخرج مهم جدّا وعنده قدرة على إدارة الجميع بمنتهى الحرفية.
محمد أبو ذكري عامل موسيقى تصويرية لذيذة جدًا، وديكور إسلام حسن شوقي ناجح خصوصا اختياره للألوان اللي مخليه علي عادل مدير التصوير يورينا صورة مشرقة طول الوقت.
إسماعيل فرغلي/ آيتن عامر/ محمد طعيمة.
والأساتذة عمرو عبد الجليل وحنان سليمان.
كلهم في أماكنهم وعاملين أدوارهم مظبوط.
هنادي مهنى في الأول حسيت إنها شوية إن كاست لكن مع الوقت بتركز جوة دورها.
المسلسل لطيف جدًا الحقيقة.
لحد هنا ممكن تاخد سكرين شوت.
علا رشدي ومحمود محيي الدين اختيارهم في العمل مش أحسن حاجة، مش لازم حد ناجح في تيك توك يبقى ممثل شاطر، ولا مغنيه كويسة تبقى ممثلة.
