«خلتوها خل».. عمرو أديب يدافع عن أحمد حلمي بعد الهجوم عليه 

دافع الإعلامي عمرو أديب، عن النجم أحمد حلمي بعد الهجوم عليه الذي تعرض له الفترة الماضية فور الإعلان عن فيلمه الجديد "النونو" والذي تتولى إنتاجه السعودية وتدور أحداثه حول نصاب مصري يقوم بالنصب على الحجاج وهو ما اغضب الكثيرين حيث اعتبروا ذلك إساءة لمصر.

وقال عمرو أديب في فيديو قام بنشره عبر حسابه على موقع إكس: "الدنيا تبان إنها مقلوبة بس هى مش مقلوبة هى معدولة بس اللى قالبها اللجان إياها.. لجان مخصوصة مدروسة مدسوسة هى اللى شغالة على الموضوع ده وسمعة مصر، وأحمد حلمي وإهانة للشعب المصري وكل الأفلام اللي احنا عارفنها.. وعارفين إن ده معمول ومدبر".

وأضاف : "أنا عايز أسأل سؤال هو أحمد حلمي ده مش ابنكم وأخوكم وصاحبكم.. وموجود من زمان وعمل مليون فيلم.. فجأة تقرر إن أحمد حلمي باع بلده وباع دينه علشان شوية فلوس إيه كل الكلام ده.. هو انتم ما تعرفوش أحمد حلمي".

وتابع: "لكن في ناس مش عايزة تصطاد في الماية العكرة في ناس عايزة تبوظ الدنيا وعايزاها مولعة".

وأوضح قائلا: "دور النصاب في السينما المصرية موجود من زمان ولا أذيع سرا جوه الفيلم هيكون في نصاب سعودي.. وكل الشعوب عندها نصابين وكل الجنسيات فيها الكويس والوحش".

واستكمل: "وبعدين احنا بنتكلم على ايه يا جماعة.. ده النائب العام المصري بيحقق مع 16 شركة مصرية نصبت على مصريين.. وبعدين طالع تهاجم قبل ما تشوف الفيلم".

واختتم: ىالفن فيه كل حاجة ومش بس ودوره يقدم كل حاجة الكويس والمشاكل.. أرجوكم اهدوا واحكموا على العمل بعد ما تشوفوه وتشوفوا إذا كان الراجل ده باع دينه وبلده بشوية ريالات.. اهدوا وشوية ثقة في الناس.. كفاية خلتوها خل ارحمونا".