دينا تكشف عن موقف محرج في «جار القمر»: الفستان اترفع وافتكروني مش لابسة حاجة

حكت الفنانة دينا عن موقف صعب تعرضت له في بداياتها الفنية خلال حلولها ضيفة في برنامج لبناني كان يعرض في فترة التسعينيات بعنوان "جار القمر".

وقالت دينا خلال لقائها في برنامج "القاهرة اليوم" مع إدوارد ونانسي مجدي إنها في ذلك الوقت كانت "تريند" على الرغم من أن هذا المصطلح لم يكن موجودا وقتها مضيفة: "دي كانت واقعة كنت خايفة منها لما حصلت كنت مرعوبة، كنت لابسه فستان أسود قصير أوي وكنت لابسه تحته "كولون" ولفيت فالفستان اترفع فافتكروني مش لابسه حاجة لأن كان لون "الكولون" "بيج"، وحصل قلبة دماغ".

وتابعت دينا: "أنا طبعا عارفة إني لابسه حاجة بس هما مش عارفين، البرنامج اتشهر وبعد كده كسر الدنيا، بس أنا مكنتش أقصد كنت برقص على أغنية لأم كلثوم ومتأثرة جدا، أنا شخص مفيش في دماغه حاجة وحشة مش بعمل كده عشان التريند أنا بلبس اللي يعجبني وقت ما يعجبني ووقتها مكنش في حاجة اسمها تريند".