شريف منير مدفعا عن ابنته أسما: "أنا وبنتي بنهبش في بعض بس بزعل لما بتتهاجم"

دافع الفنان شريف منير عن ابنته أسما، بعد الهجوم عليها منذ فترة بسبب قص شعرها، موضحا أنها فعلت ذلك بسبب وجود مشكلة صحية في شعرها".

وقال شريف منير خلال لقائه ببرنامج "صاحبة السعادة" مع إسعاد يونس: "أنا وأسما دايما بنهبش في بعض وناقر ونقير وبختلف معاها في حاجات بس بزعل لما بتتهاجم على السوشيال ميديا زي لما قصت شعرها أو ولما حضرت مهرجان الدراما هي عايزة تشوف الدنيا".

وأضاف: "لما أسما قصت شعرها قولتلها شكلك حلو، مفيش تشبه بالرجال والكلام ده، لكن أنا لومتها أنها عملت كده قدام الكاميرا، هي كان عندها مشاكل في شعرها جامدة وكان لازم تقصه".

تابع: "الناس قاعدة ومستنية أي حاجة عشان تهبش، هما مش عارفين الظروف إيه، مع أنهم لو بصوا حواليهم هيلاقوا حاجات كتير وحشة أوي، ليه بتخبط في اللي حواليك، مش يمكن يكون فيه سبب".

أردف: "أنا في كل الحالات هقف في ضهرها هي وولادي كلهم وهتلقى أنا الخبطات أنا عارف أنها لما بتعمل حاجة أنا اللي بتشتم موافق بس ولادي لا".