مي عبد النبي: لم أعتزل الفن لكن الحجاب فرض علي أنواع أدوار معينة

تحدثت الفنانة مي عبد النبي عن قرارها باتخاذ الحجاب والابتعاد عن الساحة الفنية بعد مرور قرابة 20 عاما على هذا القرار.

قالت مي عبد النبي في تصريحاتها لبرنامج "الستات" الذي يقدمه كل من مفيدة شيحة وسهير جودة عبر شاشة "النهار": "طول الفترة اللي فاتت أنا معتزلتش، يمكن مش من أدام الكاميرا، من خلف الكاميرا، طول الفترة اللي فاتت بمارس الفن في الإذاعة، مافيش أسبوع بيعدي غير لما أكون عملت حاجة في الإذاعة، وطبعا موضوع الدوبلاج خد مني وقت طويل ومحبة، أنا بعمله بحب"

تابعت: أنا مختفية، لكن معتزلتش بدليل إني موجودة في الوسط، الفكرة إن الحجاب فرض عليّ أنواع أدوار معينة، وخدت قرار الحجاب من 20 سنة، من غير أي أسباب غير أن قلبي قال لي أقرب لربنا من وجهة نظري، ودا كان اللي اقدر اعمله دلوقتي، اجتمعت بأولادي وقلت لهم إني خدت القرار عشان اقرب ربنا وأرضيه وطبعا دا هيأثر على دخل حياتنا، والاثنين قالوا لي يلا.

ووجهت مقدمة البرنامج سهير جودة لابن مي عبد النبي، مصطفى مصطفى يونس سؤالا إن كان وقتها يستوعب قرار والدته، ورد عليها: "كنت كبير عمري كان 17 سنة، وكنت مستوعب ومتحمس وكنا بننزل نشتري الحاجات مع بعض وكانت فترة حلوة".