منة عرفة عن طلاقها من محمود المهدي: «ممكن نرجع.. خراب البيوت مش سهل»
كتب: شروق خالد
كشفت الفنانة الشابة منة عرفة، عن تفاصيل انفصالها عن محمود المهدي، مشيرة إلى أن الطلاق لم يقع بينها وبين زوجها رسميًا حتى الآن.
وأوضحت "عرفة" بقولها: "الطلاق الرسمي على الورق محصلش لسه، لكن في انفصال من شهر ونصف، قبل الطلاق ما بيحصل في حاجات بتتم، وكل شيء نصيب، وممكن يكون الواحد مقرر حاجة والموضوع يتقلب ويلاقي نفسك في حتة تانية خالص".
وتابعت: "محدش بياخد أكتر من نصيبه، وفي محاولات للرجوع، ومش هو بس اللي بيحاول العودة، في محاولات من ناس كتير، وخراب البيوت مش سهل، ومش حاجة سهل تخرب اللي بيتبني".
واستطردت: "احنا بنتكلم على طول، ومش بنكره بعض، ولا احنا أعداء، والعلاقة بينا طيبة وفيها احترام وكل حاجة حلوة، وحياتنا مع بعض حاجة تخصنا".
وأوضحت أن سبب انفصالهما، كان بسبب تصريحات محمود المهدي الأخيرة، والتي تسببت في مشكلات كثيرة بينهما، مضيفة: "الناس بتاخد الشخص بذنب حد تاني مش بيعرفوا يميزوا مش لازم عشان متجوزين نكون لازقين في بعض".
واختتمت "عرفة" حديثها قائلة: "كل واحد فينا بيعيد حساباته وممكن نرجع وممكن لأ سواء على العيد أو رمضان الجاي ده شيء يخصني أنا وهو"، وجاء ذلك خلال استضافتها مع الإعلامية داليا فؤاد في برنامج "ضرب نار" المذاع عبر فضائية "القاهرة والناس".
ويذكر أن في مطلع مارس الماضي، أعلن محمود المهدي، انفصاله عن زوجته الفنانة الشابة منة عرفة، للمرة الثانية.
