الإعلامية سالي عبد السلام تكشف عن تعرضها للتحرش وتوثق الواقعة بالفيديو
كتب: شروق خالد
تعرضت الإعلامية سالي عبد السلام للتحرش من قبل أحد الأشخاص وذلك أثناء تواجدها في سيارتها وهي تحتسي القهوة مع إحدى صديقاتها داخل أحد محطات الوقود "البنزينة" وقامت بتوثيق الواقعة بالفيديو.
نشرت "عبد السلام" مقطع فيديو عبر حسابها الشخصى على "إنستجرام" وعلقت: "وأنا قاعدة من شوية في العربية ومنزلتش حتى بشرب كوفي أنا وريم صاحبتي في البنزينة اللي جمب بيتي جه يستظرف "معاكى شاحن؟؟" رديت بكل أدب لا، وداخل بدماغه يشوف، بعدها أنتي متضايقة ليه، قولت له حاجة متخصكش واتفضل أمشي".
تابعت: "لااا متكلمنيش كدة! قولت له اتفضل من هنا! ولسه هيقل أدبه ويستظرف تاني صورته فيديو، لما الناس اتلمت بيقول لهم كنت بطلب شاحن، الرجالة بقيت بتقول له هو معلش".
واختتمت عبد السلام منشورها قائلة: "السؤال هل هو العادى أن أي حد ممكن يكلم بنات ويستظرف ويدخل جوا العربية وعايزنا نسكت، ليه؟ إحنا حصلنا إيه؟ أنا هعرف أجيب حقى إن شاء الله.. السؤال بقى هو مين ده؟ وهل ده عادي؟ في بنات هتقبل ده عادي؟ مجتمعنا شايف أنه عادي؟ ولما أقول له أمشي ميمشيش".
يذكر أن، الإعلامية سالي عبد السلام أعلنت مؤخرًا عودة مرض الثعلبة إليها مجددًا، وهو مرض يهاجم مناعة الجسم عن طريق الشعر ما يؤدي لتساقطه.
View this post on Instagram
