ابنة فيروز تشن هجوما على إليسا بسبب حفلها «ليلة أمل».. والأخيرة ترد: «موتوا بغيظكم»
كتب: شروق خالد
وجهت ريما الرحباني ابنة الفنانة الكبيرة فيروز، سيل من الانتقادات لحفل "ليلة أمل" الذي نظمه الفنان والموسيقار اللبناني أسامة الرحباني في بيروت مؤخرًا، والذي أحيته كل من النجمتين إليسا وهبة طوجي.
وغنت إليسا برفقة هبة طوجي خلال الحفل أغنية "حنا السكران"، وأخطأت في الكلمات قائلة: "يبقى حنا السكران قاعد خلف الدكان عم يزبط بنت الجيران"، وفي الأغنية الأصلية "يغني وتحزن بنت الجيران".
الدقيقة 10:00
وكتبت ريما الرحباني تعليقًا على خطأ إليسا في كلمات الأغنية: "يعني بيكون الواحد عايش بأمان الله ومرتاح وناسي الله اللي خلقن، بيطلعلو حدا يحطّلو ع صفحتو شي ما بعرف شو فينا نسميه! والله من بعد ما شفت هالمقطع العجيب من شي إسمو متل الحلم أو متل الكابوس هيك شي!.
وتابعت: "فهمت ليه الكل كان ناطر قول شي! وما كنت ناوية لا شوف ولا قول إنما شرّف المقطع لعندي ما عاد فيني ما قول! اللي رح قولو ما ح يكون طويل، لأن مانو محرز أعطيه أكتر من كلمتين نضاف من وقتي ومن حجمه! ويمكن تتفاجاؤوا باللي رح قولو!".
واستطردت: "الحق مش ع إليسا! وإليسا باللي صار ضحيّة مش مجرمة، المجرم الأوّل والأخير هوّي الطبل اللي داير إليسا والتوابع، ومعتقد حاله، بيحق له يتصرّف ويأذن للفنانين يغنوا أغاني فيروز، ومعتقد يحق لّه يشوّه يبهدل هالإرث براحتو بدون حسيب ولا رقيب، وهالشي كله فقط لأن عبقري متل زياد أعاد بعض الأغاني! فإعتقد الطبل إنه هو كمان عبقري ووريث، ويريد يعيد نفس الأغاني! كما وإني كنت أكيدة انو إستقواء اليسا بالمرّات السابقة كان مدعوم بأذونات الطبل اللي قاعد ع المسرح! بس قد ما ذكي فضح حالو وقطع الشك باليقين!".
واستكملت: "بس معليش، إلا ما يصير في دولة وحبوسة فهذا الموضوع ما رح فوت فيه الآن! المهم بالموضوع إنه شغلة اللي بدو يعيد شي ويسمّي حالو بروديوسر ويمضي ع الطالع والنازل وفوق كل الأسامي ويعربش ع الأصل والأصليين، شغلته على اللأقل يعلم الفنان أصول اللفظ واللحن والأداء والكلاااااااااااام ???? والكلام! مش شغلة المغنّي يغنّي ع ليلاه! وينبش كلام من ذاكرته وقت كان عمره عشر سنين! واللي بدو يعمل تحيّة ولو كذّابيّة لعمّه أقلّه يحترم له ألحانه ويحترم ورثته".
وأدرفت: "خاصة إذا كان عارف ومأكّد إنه الورثة ما بيريدوا هالأغاني بالذات تنعاد، ورثة الياس، وإذا بتمرق ع بعض الناس إنه هاي فعلا تحية ما بتمرق ع كل الناس إنّها كذّابيّة! عدا عن إنّو ما بفهم كيف ممكن واحد يعمل حفلة كلا نشاز! بهالوقاحة! شو ما شاطر يتفلسف إلا ع الهواة؟ ومصدّق حاله ونازل فيهن بهدلة إنه هوي يابا شي كتير مهم وعبقري وديكتاتور ومُتطلّب وقاسي ومش سهل الرضى أبداً، كيف بيوقف الشخص كيف بيحرك إيده كيف بتحرك الراس وين بيلتفت أمتى بيلتفت، كل شاردة وواردة بدّو يكون راضي عنّا، وما بيعجبو العجب! والله العظيم تحط نفسك في مواقف بايخااااااااااا".
واختتمت ابنة فيروز منشورها قائلة: "فهاي ما كانت تحيّة هاي كانت إهانة لأعمال عاصي ومنصور وإلياس وبس بزيادة هلّق! أخيراً أخيراً أخيراً، في عاصي الرحباني واحد ما في غيرو ولبعد ألف سنة ما بيجي غيرو! عرفت كيف؟ شد طلوع شد طلوع أوعى ما تزمّر ع الكوع".
من جهتها، ردت إليسا ردت على انتقادات ريما ابنة فيروز لها بطريقة غير مباشرة من خلال تغريدة على تويتر بقولها: "موتوا بغيظكم!! والشاطر يفهم !!!".
موتوا بغيظكم!!
— Elissa (@elissakh) May 26, 2022
والشاطر يفهم !!!
وانقسم الجمهور بين مؤيد ومعارض لحديث ابنة فيروز عن الحفل وكذلك عن إطلالة إليسا التى لاقت انتقادات لاذعة من قبل رواد مواقع التواصل الاجتماعي، حيث اعتبر البعض أن مشاركتها لا ترقى لمستوى "مسرح الرحبانية" والبعض الآخر اعتبر أن غناءها لفيروز كان دون المستوى.
وتصدرت هاشتاجات (إليسا، بنت الجيران، حنا السكران) الترند على "تويتر" لبنان بعد خطئها بغنائها.
يذكر أن، هذه ليست المرة الأولى التي تنتقد فيها ريما الرحباني ابنة فيروز تصرفات إليسا، ففي 2018، هاجمتها خلال ردها على شخص من الجمهور انتقد ألبوم والدتها فيروز، حيث كتبت المخرجة: "بعيد الشر عن قلبو ومع مين بدنا نتسلى الليلة؟ أنا بقول حط عقلو براسو وعم يطبع ديوان الشعر بلكي الطبعة الأولى منهديها لإليسا تغنيها مللي بتحل عن أغاني فيروز ومللي حرام بيجلس تمّا شوي!"
يذكر أن حفل "ليلة أمل"، هو أكبر حفل موسيقي مجاني في لبنان والعالم العربي، جمع خمسين موسيقياً من أبرز أعضاء الأوركسترا الفيلهارمونيّة اللبنانيّة، أضف إلى كورال "صوت الجنة" وعشرات الراقصين المُحترفين، بأضخم إنتاج فنيّ شهدته بيروت بعد إنفجار 4 أغسطس.
