ميدو عادل: «لو رجع بيا الزمن مش هتجوز»

أكد الفنان ميدو عادل، أنه يرى أن خطوة زواجه مبكرًا كان خاطئًا كبيرًا، وإذ عاد به الزمن لن يقبل على هذه الخطوة مرة أخرى، نظرًا للمسئولية التى تقع على عاتق الزوج بشكل عام.

وقال عادل: "أكتر حاجة الواحد بيندم عليها هي الجواز، الجواز أصعب حاجة الناس بتمر بيها في حياتها، عشان إحنا معندناش الوعي إننا نربي عيالنا من وهما صغيرين إن سيكولوچية الجواز دي مش حاجة سهلة".

وتابع: "سحر مراتي كانت زميلتي في المعهد واتجوزنا عن قصة حب، بس الجواز مش اتنين بيحبوا بعض بس، لأن تفاصيله كتيرة جدا، ومسئولية أكبر من أي حاجة، وعشان كدة بقى عندنا نسبة طلاق عالية، وده مش عشان الحب، ده عشان المسئولية، مضيفًا: "وأنا لو رجع بيا الزمن مش هتجوز أصلا".

واختتم عادل حديثه قائلا: "الجواز للأسف بيضر الست أكتر من الراجل في مجتمعنا، لأن أنا مثلا مراتي ماتت معاها أحلام كتير في زحمة الولاد، عشان كدة دلوقت بأجل في جواز أختي الصغيرة رغم إنها مخطوبة بقالها كتير، بس أنا عاوزها تحقق نفسها وتعرفها كويس وبعدين تتجوز"، وجاء ذلك خلال استضافته في برنامج "الستات مايعرفوش يكدبوا"، مساء اليوم الأربعاء، على فضائية "CBC"، وتقدمه الإعلاميات هبة الأباصيري ومنى عبد الغني.

وكان قد شارك الفنان محمد عادل في الموسم الرمضاني 2022، من خلال مسلسلي "انحراف" و "العائدون" وحقق نجاحًا كبيرًا من خلالهما ونال إعجاب الجمهور.