Elasimah AdPlace
Elasimah AdPlace
Elasimah AdPlace

«الدكتور قالي انتي عايشة ازاي» .. زوجة أمير طعيمة تكشف تفاصيل إصابتها بورم

 كتب:  شروق خالد
 
«الدكتور قالي انتي عايشة ازاي» .. زوجة أمير طعيمة تكشف تفاصيل إصابتها بورم
أمير طعيمة وزوجته
Elasimah AdPlace
Elasimah AdPlace
Elasimah AdPlace

كشفت جيني طعيمة، زوجة الشاعر الغنائي أمير طعيمة، عن تفاصيل إصابتها بورم منذ عدة أشهر عبر حسابها الشخصي على "فيس بوك".

وكتبت "طعيمة" قائلة: "من حوالي سنة ويمكن أكتر وأنا تعبانة وبأجل مشوار الطبيب وبقول بطلي دلع وباخد مسكنات، والدنيا ماشية، مضيفة: "ومن تقريبا كده 4 شهور فيه تدهور رهيب ومتماسكة، وبقول أفضي بس كده وأشوف مفيش صحة تمامًا الجسم كله مأذي لدرجة إني مش فاهمة أنا إيه اللي بيجري لي".

وتابعت: "لدرجة إني كلمت الطبيب الخاص وأخدت ميعاد وكنت في العربية قبل ما العيادة تفتح .. كشفت والصدمة.. إيه ده يا مدام.. هو حضرتك إزاي عايشة كده!.. وتفاصيل كتير في الكشف وقالي محتاج جراحة بس محتاج الأشعة والتحاليل دي وحالًا".

واستطردت: "أدركت إني فعلا في حتة مش تمام .. ومن فحوصات الأشعة الكلام اختلف .. 4 أطباء من جامعة عين شمس والقاهرة وطب الأزهر عشان دقة الجراحة كل واحد كان بيبعت لزميله الأهم للتشخيص ويقولي معلش ناخد رأي شيخنا ومعلمنا الدكتور فلان أفضل لسلامتك اصبري وتحملي".

وأكملت: "وقت الجراحة اكتشفنا إنه ورم وحجمه كبير .. بس حقيقي وبأمانة محدش سابني لحظة ولا أستعجل ولا حاول يحطني تحت ريسك مع إنه طبيعي يحدث .. وبكل أمانة ما كانش بيتقال غير دي بنتنا وعايزين نحافظ عليها".

واختتمت "جيني" بقولها: "الحمد لله النتيجة النهائية إني بخير وسعيدة .. بشكر كل أيد من الأيدي الطيبة اللي ساعدتني وصبرت عليا، موضحة: "بعرف إن ربنا بيحبني من المواقف دي مش من أي حاجة تانية وأكتر كلمتين بيطمنوني من الناس البسيطة إللي بتقولي أوعي تخافي ربنا هيجبر بخاطرك عشان أنتي مفيش حد بتزعليه أبدًا".


وجدير بالذكر أن، جيني طعيمة مطربة معتزلة، وانطلقت في الساحة الفنية عام 2006 وهي من مواليد 23 فبراير وتخرجت من قسم الإذاعة من كلية الإعلام، وبدأت مشوارها الفني في مجال التمثيل بعدة مسرحيات ومنها: "إدلعي يا نوسة"، "اللي يبيع يضيع".

وقدمت ألبوم غنائي وحيد يحمل اسم "بلاش أسئلة"، والذي ذاع صيته وقتها بقوة بفضل أغنيتين، وهما "امشي وسبني"، والتى ظهر فيها زوجها أمير طعيمة كـ"موديلز رجالي"، وأغنية "لأ".