رانيا فريد شوقي: عملت دور راقصة محتشمة ووالدي زعل مني جدا.. فيديو

قالت الفنانة رانيا فريد شوقي: "والدي كان حنين أوي علينا وكان عقابه ليا انه ميكلمنيش"، معلقة: "لو كان وحش الشاشة فى البيت مكناش هنعيش هنموت أصلا وكان حنين وعمره ما ضربني واللي كان وحش في البيت أمي واخده الراية والشبشب على طول لو حد يغلط يضرب بيه".

وأضافت خلال حوارها لبرنامج بيت للكل المذاع على القناة الأولي المصرية: "من حب والدي للفن كان مبسوط إن ولاده فى المجال، وعبير أختي كانت داخلة آداب إنجلش وسابت أولى ودخلت معهد فن".

وتابعت : "اسم والدي فتح ليا الباب بسرعة في الانتشار فى المجال الفني، فاكرة عملت فيلم مغلف بالشوكولاتة فكنت عاملة راقصة محتشمة ومش لابسة بدلة رقص ولكن والدي زعل منى جدا وقال لي ليه تعملي كده والأب تغلب عن الفنان، وأجمل أفلام لم تتعرض فى البيت يتفرج معانا جعلوني مجرما، والفتوة، فريد شوقي أنتج 30 فيلما".