خاص| الناقد الفني طارق الشناوي: الحب بهدلة.. واللى عمله حسام حبيب مايستحقش كل ده

علق الناقد الفني طارق الشناوي، على تصريحات المطربة شيرين عبد الوهاب  التي أدلت بها أمس الثلاثاء مع الإعلامية لميس الحديد من خلال برنامج "كلمة أخيرة" المذاع عبر فضائية "أون".

وقال طارق الشناوي في تصريحات خاصة لـ"العاصمة": "على مقولة محمود شكوكو الحب بهدلة خلاني قندلة، أكتر من مقولة بشارة الخولي ومن الحب ما قتل، لا الحب بهدلة أحلى وأوقع، ولو كانت شيرين بتضّرب وتسكت يبقى المشكلة عندها، شيرين تقدر في أي لحظة إنها تطلق وهي مش أول مرة تطلق ولا أول مرة تتجوز، كمان هي شخصية محيرة جداً بتضرب وتتسحل وتسكت، كمان مسألة التخن دي اللى بتقول إنه كان بيسخر منها دي مسألة بالنسبة للأثرياء سهلة جداً فلما تعوز تخس هتخس، عشان كدا السخرية اللى بتقول عليها دي أنا مش شايفها سخرية، لأن بالنسبالي السخرية تبقى سخرية لما الإنسان يكون مش قادر يعمل ده، والحقيقة السخرية اللى كان بيعملها حسام حبيب لا تستحق كل الغضب ده".

جدير بالذكر أن شيرين عبد الوهاب، تصدرت مؤشر البحث "جوجل" بسبب تصريحاتها الأخيرة التي هاجمت فيها طليقها المطرب حسام حبيب، من خلال برنامج "كلمة أخيرة" مع الإعلامية لميس الحديدى.