«مش همه يتصور ويتفضح» .. كارولين عزمي تكشف تفاصيل تعرضها للتحرش
كتب: شروق خالد
كشفت الفنانة الشابة كارولين عزمي عن تفاصيل تعرضها للتحرش من قبل أحد الأشخاص، أثناء قيادتها لسيارتها عبر حسابها الشخصي بـ "إنستجرام".
وأرفقت "عزمي" تعليق مع مقطع الفيديو التي وثقت فيه تعرضها لحادث تحرش بقولها: "أنا اللى يعرفنى أو متابعنى عارف انى شخص مالوش فى المشاكل ولا عمرى شاركت مشكلة تخصنى سوشيال ميديا".
وتابعت: "باختصار .. انهاردة كنت فى عربيتي وجنبي عربية فيها واحد كسر عليا كل اللى عملتو انى بصتله وبصيت قدامى ف لقيته بيكرر نفس الحركة تانى بأستظراف روحت طلعت الموبايل وعملت نفسي بصور عشان أخوفه واخليه يبطل يضايقنى اتفاجأت وهو بيقولى بتصوريني يا بنت "لفظ خارج" .. ساعتها اتخضيت وبدأت اصور بجد وانتو هتشوفو في الفيديو الحركات اللي بي أيده والشتايم .. وبدء يقولى تعالى ورايا والحقيقة انى مش عارفة اروح واره فين أو كان عايز يعمل ايه ولأنى اتوترت وخوفت ساعتها مقدرش أصور ١٪ من اللى عمله الشخص دا".
واستطردت:" أنا اتشمت واتنهت واتشمت بأهلى بأقذر الشتايم انهاردة من حد معرفوش ولا عملتله حاجة ولا فتحت بوقى لمجرد أنه شخص مريض .. أكيد الشخص دا أذى بنات كتير لأنه تقريبا متعود على الحركات دى ومتعود يخوفهم ومش همه حتى أنه يتصور ويتفضح .. أنا عايزة حقى يرجعلى".
وتعاطف عدد كبير من جمهور ومتابعي الفنانة كارولين عزمي، معبرين عن دعمهم لها في موقفها، ومشددين على ضرورة أخذ حقها بالشكل القانوني.
View this post on Instagram
