«الجوازة التانية كانت أسبوعين بس» .. مي سليم تكشف أسباب طلاقها مرتين

كشفت الفنانة مي سليم، عن أسباب فشل زيجاتها السابقة في الزواج وجاء ذلك خلال استضافتها مع الإعلامية "لميس الحديدي في برنامج "كلمة أخيرة"، عبر قناة ON.

وأوضحت "سليم" قائلة: "تجاربي في الجواز كانت فاشلة، مش عاوزة أقول حظي لأن كل شيء من عند ربنا، لكن ممكن كنت صغيرة واختيارتي مش مظبوطة وممكن قدر"، متسائلة: بقول لنفسي دائما ليه مكنتش موفقة؟ والوحدة فى المسئولية صعبة جداً وأنا شايلة كل حاجة ويمكن ده حصل وأنا صغيرة جدا".

وتابعت: "مكنتش موفقة وجوازتي الأولى استمرت فترة قصيرة جدا لمدة سنة، وبعدها بقيت مسئولة عن كل شيء له علاقة ببنتي، وجوازتي الثانية استمرت أسبوعين".

واستطردت: "ومش شرط الانفصال حصل عشان حد فينا وحش لكن بيبقي اختلاف في الطبائع وتركيبة شخصيات وده نصيب". 

واختتمت: "الحمد الله أنا دلوقتي أحسن ماديًا، وكبرت وبقيت واعية أكثر، وشايفة إن مفيش وقت للغلط مضيفة: "أنا مش رافضة فكرة الجواز نهائيًا، لكن هو نصيب ولازم أفكر كويس بعد كدة، خاصة إن معايا طفلة، ولازم الشخص اللي يكون موجود في حياتي يحترم ويحب ولادي كإنهم ولاده".