رانيا محمود ياسين: غادة عادل ومنى زكي خدوا فرصتهم من بنات جيلي والباقي «اتهرس»

كشفت الفنانة رانيا محمود ياسين، عن سبب تأخرها بين نجمات جيلها الذين أخذوا فرصتهم وحقهم في مجال التمثيل وذلك خلال لقائها مع  الإعلامية ياسمين عز في برنامج "كلام الناس" عبر قناة MBC مصر.

وأوضحت "رانيا" بقولها: "أنا بدور على الفرصة اللي أستحقها من سنين مش مسألة بطولة، وأنا اختفيت وتأخرت عن جيلي، عشان كنت مركزة في بيتي وولادي".

تابعت: "وبعد كدة قضيت فترة 3 سنين في الإعلام اللي ضرني جدا جدا في شغلي، وحظي مكانش حلو أوي، فالتوقفات الكتير خلت ناس تانية تاخد مكاني، وهدفي في الفترة القادمة أرجع آخد مكاني".

واختتمت "رانيا" حديثها قائلة: "أنا جيلي كان غادة عادل ومنى زكي وهما خدوا فرصتهم وبقوا نجوم، لكن في ناس في جيلي مخدتش فرصتها ومنهم رانيا فريد شوقي، وفاء صادق، ونرمين الفقي اللي ظهرت قبلي وكانت نجمة كبيرة في فترة، ودلوقتي بترجع تاني .. وده بسبب الظروف السياسية خلال الـ 10 أو 11 سنة الماضية اللي خلت جيلي اتهرس ومخدش فرصته".

يذكر أن، آخر أعمال الفنانة رانيا محمود ياسين مسلسل "الطاووس" مع النجوم: جمال سليمان، سميحة أيوب، سهر الصايغ، وفرح الزاهد وغيرهم، سيناريو وحوار كريم الدليل تحت إشراف المؤلف محمد ناير، وهو من إخراج رؤوف عبد العزيز.