محمد رمضان: «نزلت إسكندرية علشان اتأكد إنهم مش مرحبين بيا» (فيديو)

نفذ الفنان محمد رمضان وعده لجمهوره بذهابه إلى مدينة الإسكندرية، من أجل التأكد من حقيقة الحملة التي شنت ضده بأن الجمهور غير مرحب بحفله هناك.

وظهر رمضان في بث مباشر أثناء توجه إلى الإسكندرية وبالتحديد منطقة العامرية، وقال من خلال البث عبر صفحته على فيسبوك: «مساء الخير، أنا في العامرية في زيارة إلى الاسكندرية، عايز حد يرشحلي مطعم أكل فيه لقمة لأني ما تغدتش».

وأضاف: «نزلت لجمهوري علشان أتأكد إنهم غير مرحبين بيا، أنا متعود على الحملات الممولة لكن الغريب بالنسبة ليا إن لقيت صفحات وجرايد رسمية الموضوع ما يتسكتش عليه، واللي استغربته أكتر إن محافظ الشرقية بيدعم الحملة دي».

وتابع: «عمري ما استفزيت جمهوري حتى الأغاني اللي بقدمها بكلم فيها بلسان حال جمهوري، كمان مش بحب أدعي الفقر وأعمل حاجات من ورا الناس، لأن العلاقة بين الفنان والجمهور لازم تكون قايمة على الصدق إنما الكذب بيفسدها، عندي إدراة أعمال شاطرين جدا، ولكن أنا رافض يكون في وسيط بيني وبين جمهوري».

واستكمل قائلا: «فرصة حلوة إنهم خلوني أنزل أشوف بلد بحبها، أنا صاحي النهاردة طول اليوم في الإسكندرية، وعندي تصوير 10 الصبح وليلة مافيهاش نوم».

واختتم: «أنا في إسكندرية، علشان أثبت لسيادة المحافظ السابق إن بنزل وأتأكد منها.. ولو أهل اسكندرية مش مرحبين هلغيها، والموضوع كان يستدعي أنزل وأشوف وكلنا في خدمة الناس وبفكر دايما في جمهوري».