نشوى مصطفى تروي موقفا إنسانيا لـ هشام سليم مع فنانة قديرة

روت الفنانة نشوى مصطفى، موقف إنساني للفنان الراحل هشام سليم، جمعه بالفنانة القديرة ثريا إبراهيم والتي كشفت الأخيرة لها عنه من خلال حديث سابق جمع بينهما.

وكشف مصطفى، عن الموقف الإنساني للراحل من خلال حسابها الرسمي على «فيسبوك»، قائلة: «افتكرت حاجة عن هشام سليم يمكن مش كتير يعرفوها، في يوم راجعة من التصوير، وكان فيها أستاذة ممثلة كبيرة الله يرحمها اسمها ثريا إبراهيم، قالت لي نشوى معنديش عربية توصليني في طريقك لأقرب مكان انزل أخد تاكسى.. قلت لها تاكسي إزاي هوصل حضرتك لباب البيت».

وتابعت: «واحنا ماشيين قالت لي عارفة الشقة اللي حتوصلينى ليها دي مين جابهالي، قلت لها مين، قالت لي شيريهان، وحكت لي إنها كانت بتشتغل معاها مسرحية شارع محمد علي وكانت بتيجي كل يوم من طنطا للقاهرة، وترجع تاني لأن بيتها كان هناك، ولما شريهان عرفت قالت لها شوفي الشقة اللي تحبيها وأنا اشتريهالك، ولما اشترتها كانت فرحانة».

واختتمت نشوى مصطفى: «هشام سليم عرف بارك لها وقال لها فرشتيها، ولا لسه قالت له فرشتها قال لها كان نفسى افرشهالك قالت له، وهى بتهزر طيب ما تعمل حاجة تانية قال لها تحت أمرك،  قالت له نفسى أحج.. تاني يوم لقت شركة سياحة بتكلمها، وبلغتها إن هشام دفع كامل التكلفة وكانت خمسين ألف جنيه وكمان وهى رايحة عطاها مصروف الرحلة وقال لها: ادعى لي بس كده.. ألف رحمة ونور».