بعد الهجوم عليها.. مفيدة شيحة عن أمينة شلباية: «مبتزعلش ومكملة» (فيديو)

أكدت الإعلامية مفيدة شيحة، أن أمينة شلباية، خبيرة الاتيكيت لا تنظر للسخرية من ما تقدمه من نصائح بخصوص الأتيكيت في كل شيء،  وتابعت:"مبتزعلش ومكملة في طريقها اللي بدأته".

وأضافت شيحة، في برنامجها الستات، المذاع عبر قناة «النهار وان»، مساء اليوم الأحد، "كل اللي يعجبك والبس اللي يعجب الناس"، ده مثل شعبي شهير اتربينا عليه، لكن الحقيقة لما كبرنا اكتشفنا إن الأكل اللي هيعجبنا لازم ناكله هو كمان بطريقة تعجب الناس، وإلا هنكون متهمين بعدم تطبيق الإتيكيت، وهنتاخد مخالفة من أمينة شلباية، اللي عاملة قلق على السوشيال ميديا بالفيديوهات اللي بتتكلم فيها عن الإتيكيت.

واستكملت:  "الناس حاسة إن أمينة مصعباها عليهم شويتين، وعايزة تكسر لهم التابوهات اللي اتربوا عليها، في أكل المانجا وأكل الرز وشرب الشورية وحاجات تانية كتير، لكن في نفس الوقت حبوا اللي هي بتعمله، ورغم إن البعض بيهزر وفيه اللي بيسخر لكن أمينة واضح إنها مبتزعلش ومكملة في طريقها اللي بدأته.