شيرين تهاجم الغارمات: «ناس فكرهم متأصل وبناتهم مبيعرفوش يطبخوا»

حضرت الفنانة شيرين ندوة للدكتورة نيفين القباج، وزيرة التضامن الاجتماعي، خلال فاعليات مهرجان الإسكندرية السينمائي لدول البحر المتوسط في دورته 38.

وقالت شيرين خلال حديثها في أثناء فاعليات الندوة: "أشكرك كثيرًا عن الكثير من الأشياء التي قمتي فعلها، ولكني سأقول كلمات أعلم أنني سأهاجم بسببها وهي أنني ضد التبرع للغارمات".

وأكملت حديثها: "بسمع إن الناس بتتبرع للغارمات.. لكن دول ناس فكرهم مترسخ ومتأصل بأفكار من سنين، زي إنهم يجيبوا 12 ملاية مع إن كفاية 4 بس، و2 تلاجة و4 شاشات و3 بوتجازات، وفي الآخر نسأل البنات ونلاقيهم ميعرفوش يطبخوا".

وأضافت: "عايزين نعمل أفلام مؤثرة مش كارتون بس عن دور الأب والأم في مشكلة الزواج المبكر، والزواج مبقاش عند سن 18سنة وعند المأذون، بقى من 12 سنة والأهالي بتعمل جلسة عرفية ويجوزوا العيال، والبنت تخلف في سن 13 سنة وتموت في سن 14 من الضعف اللي بيكون فيه جسمها، والجدة تربي الابن، والزوج يتجوز تاني".

وكان مهرجان الإسكندرية السينمائي لدول البحر المتوسط في دورته 38، قرر تكريم نجوم الكوميديا في دورة خاصة هذا العام.