شيرين عبدالوهاب: «تنازلت عن مقاضاة شقيقي ومقدرش أخلي أمي تبات باكية على مخدتها بسببنا»

أكدت النجمة شيرين عبدالوهاب، عن أنها قررت التنازل عن كافة القضايا التي كانت عزمت على رفعها ضد شقيقها محمد عبد الوهاب، بعد إدخالها المستشفى رغما عنها.

وقالت شيرين عبدالوهاب، عبر مداخلة هاتفية لبرنامج «الحكاية» مع الإعلامي عمرو أديب: «أنا الحقيقة بشكر محمد السيد عبد الوهاب شقيقي، أنه عرفني بالمستشفى دي والناس المحترمين دول، لأنهم راعوني أحسن حاجة في الدنيا، علموني روتين صحي، أنام بدري وأصحى بدري، ودلوقتي بصحى الساعة 9 الصبح، وبفطر بدري والحياة بقت جميلة جدا ولذيذة».

وأضافت شيرين: «ومن خلال برنامج حضرتك، تاني هرجع وأقول إن أنا بشكر صحافة بلدي والوطن العربي كله، وبشكر الأقلام اللي كتب حلو واللي جرحت، هرجع تاني وأقولك إن هتنازل عن أي حاجة أنا كنت عملاها لمحمد، طبعا لأن أنا مقدرش أعمل كده، أنا شيرين اللي قلبها متسامح، وهيفضل متسامح لأن أنا قلبي كده ومش هعرف أغيره».

وتابعت: «أنا بخف أكتر لما بسامح كل الناس، ومش ممكن أرضى إن أمي ممكن تبات يوم واحدة باكية على مخدتها علشان خاطر ابنها وبنتها في خلاف، فأنا قدام حضرتك وقدام كل الناس  بتنازل عن حقي في كل حاجة حصلت معايا، والحمد لله إن ده حصل معايا».