ميار الببلاوي عن عودة شيرين لـ حسام: «اللي بيشيل قربة مخرومة»

علقت الفنانة ميار الببلاوي على عودة الفنانة شيرين عبد الوهاب لزوجها الفنان حسام حبيب مرة أخرى، بعد الخلافات العديدة التي وقت بينهما.

وقالت «ميار» خلال مقطع فيديو مباشر عبر حسابها الرسمي بموقع «فيسبوك»: «ربنا سبحانه وتعالى جابلي حقي، وجاب لي حقي من الناس اللي بهدلتني واتنمرت عليا، وقالوا إن أنا ست ما عنديش قلب وما عنديش رحمة، وإن أنا باجي على حد تعبان وعيان».

وأضافت: «دلوقتي الناس قالت اللي أنا قولته، أنا فرحانة إن ربنا أكرمني وبقى عندي بصيرة، المؤمن يرى بنور الله، أنا مش عايزة أتكلم في الموضوع دا، غير قابل للمناقشة عندي، والله العظيم أنتوا على راسي وأبعتولي رسائل زي ما انتوا عايزين، بس لو سمحتوا أنا لا بغتاب حد ولا بنم على حد، كفاية مش عايزة أخد ذنوب من حد».

وتابعت: «أنا الكلمة اللي قولتلها إن ليا وجهة نظر، ووجهة النظر بتاعتي اتفسرت غلط، لكن "الحقي يا ميار شيرين رجعت لحسام" ما يرجعوا، اللي بيشيل قربة مخرومة يا جماعة أنا ماليش دعوة، وربنا يوفقهم إذا كانت نيتهم خير، وأنا ليس ليا أي علاقة بهذا الموضوع، يارب يهدي سر الناس، هي بتحبه وهو بيحبها وكتب كتاب ودنيا ماشاء الله».