فريال يوسف تكشف تفاصيل مرضها: «أتمنيت في لحظة يأس يكون عندي سرطان أهون من الألم الي عشته»

كشفت الفنانة التونسية فريال يوسف، عن تفاصيل مرضها لأول مرة وسبب غيابها عن الساحة الفنية لمدة سنتين خلال الفترة الماضية، مشيرة إلى أنها أصيبت بـ كسر في العمود الفقري وانزلاق غضروفين، حيث جاء ذلك خلال لقائها مع الإعلامي عمرو الليثي في برنامج «واحد من الناس» الذي يذاع على قناة الحياة يوم الإثنين الساعة 10 مساءً.

وأوضحت "يوسف" قائلة: "اضطريت أقول أني غايبة عن الساحة الفنية عشان اتعالج برا، فقدت الحياة الطبيعية من كتر الألم ودخلت في مرحلة يأس، وتكتمت على الحادثة حتى عن أهلي وذهبت للعلاج في ألمانيا، مشيرة إلي سبب الحادثة: " كنت راكبة حصان من غير سرج وحصل حاجة للحصان ضايقته واتقلبنا احنا الاتنين، ميلت وأنا نازلة اتهبدت على الارض جامد واتصابت بكسر فقرة واختفاء لعضروف وانزلاق لغضروفين آخريين".

وتابعت: "وقالولي الدكاترة وقتها لو عملت عملية الوجع هيرجع أقوى بعد سنيتن، مضيفة: "أخدت حقن كتير في العمود الفقري باخدها بشكل مكثف يعني مرة كل شهر وبعدين مرة كل ٣ شهور وبعدين مرة كل سنة وكنت لفترة مبمشيش خالص ومكنوش عارفين يشيلوني من سرير لسرير، مبعرفش أقعد أو أسوق عربية لمدة ساعة على بعض".

واستكملت: "كنت بكلم ربنا في أسوء حالاتي كنت بقوله يارب لو جالي كانسر كان هيبقي أرحم بكتير من اللي أنا فيه، مضيفة: "لأن الكانسر يا هتتعالج منه يا هيبقي فيه نهاية في الآخر"، مختتمة حديثها: "كانت فترة صعبة جدا والألم كان لا يحتمل وشغلي كله وقف".