حمو بيكا: «لما أخد حقي من نقابة الموسيقيين مش هغني تاني»
كتب: شروق خالد
كشف مطرب المهرجانات حمو بيكا عن استمرار تعرضه للظلم، بسبب عدم تمكنه من الغناء داخل مصر وذلك خلال بث مباشر عبر حسابه الشخصي بـ "إنستجرام".
وقال "بيكا": "أنا مظلوم بقالي سنين، وفيه ظلم في النقابة وافترى، وأنا هكشف كل ظالم وظلم النقابة ليا، وهجيب حقي بالقانون، ويوم ما أخد حقي مش عايز أغني تاني ولا أمسك الميكروفون في البلد دي تاني، أهم حاجة أجيب حقي".
وتابع: "أي حد عاشرني عارف أني طيب وعمري ما جيت على حد ومش بعرف أقرأ ولا أكتب والناس حبتني عشان قالوا عليا قلبي أبيض".
واستطرد: "أنا مش شغال في بلدي أنا شغال بره مصر وبلدنا فيها قانون وهاخد حقي من نقابة الموسيقيين بالقانون اللي جات عليا وعلى لقمة عيشي وحياتي، أنا مبقتش عارف أنام" مضيفًا: "جنسيتي مصرية ومش عارف اشتغل فيها وفيه أجانب وشغالين في بلدي".
واستكمل: "كل واحد وقف في مستقبلي هقوله أشوف فيك يوم وفي أعز ما ليك عشان أنت دمرتلي حياتي ومستقبلي، وحسبي الله ونعم الوكيل في كل واحد ظلمني ومش مسامح أي حد ظلمني".
واختتم "بيكا" حديثه بقوله: "أنا جبل مش هيهزني ريح وواقف على أرض صلبة وربنا معايا اللي أحسن من أي حد".
View this post on Instagram
