الراقصة هندية: «صليت الظهر والعصر قبل ما أخد الكلب للمستشفى إلا فرض ربنا»

كشفت الفنانة والراقصة هندية، حقيقة الشائعات التي طالتها، خلال الآونة الأخيرة بشأن تعذيب كلبها وإلقائه بالشارع.


وقالت "هندية": "عندي بيت في أكتوبر، لقيت الجو ساقع فقلت أعدي لبيتي في المهندسين، وقولت للغفير خلي بالك من الكلب بتاعي لأن ده روح وحنتحاسب عليه يوم القيامة، وأديته الوصاية الكافة لرعايته".

وتابعت: "كان من الواضح أن الكلب تعبان من فترة، ومن فترة مش لاقياه وبدور عليه في البيت كله ملقتوش، نزلت لقيته موجود جنب الحنفية بحاول أطبطب عليه مش عايز يتحرك، وبخت البواب بسبب إهماله لرعايته، ووضعته في العربية، ثم انتقلت به إلى المستشفى، فكانت الساعة 2 ونصف، صليت الظهر والعصر ولو أبويا نفسه كنت عملت كده إلا فرض ربنا".

واستطردت: "مخي هداني وجعلني أعطي الكلب للسايس وقلتله هصلي وأنزل، وبعد انتهائي من صلاتي نزلت بعد ساعة ونصف، والبعض بيقول أن دي قصة مؤلفة، أنا بنزل أأكل كلاب الشارع يوميًا قبل صلاة الفجر، ثم أنا هركبه عربيتي وهرميه في الشارع في الخمس دقايق دول؟! فأنا جاية من أكتوبر، وماشية 20 كيلو".


واختتمت الراقصة هندية حديثها قائلة: "كان ممكن أرميه في المحور أو الصحراء، مينفعش أرميه ده إبني أنا اللي مربياه، ومعرفش إيه اللي حصل له أنا سبته للولد، والكلب هزيل ولا مكسور ولا جربان هو مصاب في العمود الفقري"، وجاء ذلك استضافتها ببرنامج "تفاصيل" عبر قناة "صدى البلد".



إقرأ أيضًا: جيران هندية غاضبون.. رمت كلبها ومات قلبها