Elasimah AdPlace
Elasimah AdPlace
Elasimah AdPlace

المذيعة منى العمدة عن الفيديو المتسبب بإيقافها: اتلعب فيه والناس غيرت في تون صوتي

 كتب:  شروق خالد
 
المذيعة منى العمدة عن الفيديو المتسبب بإيقافها: اتلعب فيه والناس غيرت في تون صوتي
منى العمدة
Elasimah AdPlace
Elasimah AdPlace
Elasimah AdPlace

كشفت المذيعة منى العمدة عن كواليس الفيديو الذي أثار الجدل عبر مواقع التواصل الاجتماعي من إحدى حلقات برنامجها "الجمهورية الجديدة"، وذلك في أول ظهور لها عقب قرار شبكة تليفزيون "النهار" بإيقاف برنامجها والتحقيق معها.

وقالت "العمدة": "أول حلقة كانت سؤال بسيط عمل ضجة غير طبيعية، وأنا بسال الضيف إيه رأيك في العاصمة الإدارية الجديدة بس، والبعض أخدوا الصوت وغيروا في التون وهدوا الإضاءة وعملوا شوية مزيكا، وده كان رد إحدى الجهات الرقابية في قناة النهار".

وتابعت: "تاني سبب كنت مركبة مايك واحد وبقالي سنتين ونص بعمل البرنامج ده، ولأول مرة أركب مايك واحد، وفيه سبب تالت وهو كنت عاملة عملية في ودني، ولحد دلوقتي ليها أثر وباخد مسكنات ومضاد حيوي، بس ده مغيرش في تون الصوت ولكن عامل حالة من الهبوط والسكينة، بسبب مسكنات ومضاد حيوي كتير وكنت ممكن ألغي التصوير، مضيفة: "ولكن عشان بحترم مهنتي وشغلي أنا ماضية عقود وفيه ناس متعلقين بينا وأعلنت مواعيد، ومينفعش نقولهم هناخد إجازة".

واستطردت: "صوتي كده بقالي 52 حلقة، والبرنامج بقاله سنتين ونص على شاشة النهار، وأتحدى أي حد أن التون اتغير، ويمكن رد فعل الضيف أثار الجدل، وده مع المسكنات الناس قالوا إن طالما فيه هدوء يبقى فيه مشاعر حب، لكن لأ خالص ويمكن طريقتي كان فيها حب وامتنان وفخر بالعاصمة الإدارية الجديدة، وأتشرف أنهم لقبوني بمذيعة العاصمة".

إقرأ أيضًا: رغم الإيقاف.. ظهور المذيعة منى العمدة مع تامر أمين على شاشة «النهار»

واختتمت المذيعة منى العمدة حديثها قائلة: "أنا المذيعة الوحيدة في مصر والوطن العربي اللي كانت بتزور العاصمة الإدارية يوميًا تشوفها وهى حبة رمل لحد ما تشوف مشاريع قومية، وطبعا لازم أسأله عن العاصمة بحب وفخر، ويمكن رد فعله كان زيادة شوية ومعرفش يعبر عن اللي جواه، والناس طبعًا مش هتحاسب الضيف وبيحاسبوا المذيع".

يذكر أن، شبكة تليفزيون النهار أعلنت بتاريخ 14 يناير الجاري إيقاف الإعلامية منى العمدة، مقدمة برنامج "الجمهورية الجديدة".

وقالت قناة النهار في بيان لها إنه تم وقف مقدمة البرنامج منى العمدة وإحالتها هى وفريق العمل والمسؤولين عنه للتحقيق الفوري.

ورصدت القناة بعض الأخطاء والتجاوز في إحدى حلقات البرنامج الأخيرة، وقررت وقفه لحين إعادته إلى المسار الصحيح أو إلغائه بشكل نهائي، مؤكدة حرصها الدائم على تقديم محتوى وأداء مهني يليق بمشاهديها، وفقًا لما تقرّه أخلاقيات العمل المهني والأكواد المنظمة للعمل الإعلامي.