سهير جودة: الرجالة أبطال المبالغة واتقوا شر رغيهم مش الستات

أوضحت الإعلامية سهير جودة، أن هناك بعض الدراسات العالمية، تؤكد أن الرجال هم أصحاب المبالغة في الحديث، وأكثر كلامًا من السيدات.

وقالت سهير: "الحديث عمال على بطال ممكن يخلي الشخص مش محبوب ومش مبدع بشكل زيادة، اللي يقدر يقفل بؤقه بيقدر يغير حياته، وأن التحدث قليلا ممكن يخلينا مبدعين ومحبوبين أكتر في الشغل، مضيفة: "لأنك كده بتهدر طاقتك في الكلام، فبالتالي لما بتدخل في مفاوضات متفوزش فيها".

تابعت: "فكرة أننا بندور على الدايت طول الوقت، لازم يبقى فيه دايت الكلام، ريجيم الكلام مطلوب".

واستطردت: "وفيه دراسات عالمية بتأكد أن الرجالة هما أبطال المبالغة في الكلام، دايما يوصفوا الستات أن هما الأكثر حديثًا وثرثرة، لكن العكس هو الصحيح".

واختتمت سهير جودة حديثها قائلة: "الرجالة عندهم مبالغة، والستات بالرغم من كثرة ما يتفوهون به، إلا أن الرجل لا يسمع منه إلا نسبة ضئيلة، وده بينفي الاتهام عن الستات وبيأكد الاتهام على الرجالة أنهم مش بيسمعوا بشكل جيد معندهمش إنصات، ولما الراجل بيرغي اتقوا شر رغيه، مش رغي الستات"، وجاء ذلك خلال حلقة برنامجها الذي يحمل اسم «الستات»، والمذاع عبر فضائية «النهار».



إقرأ أيضًا: «اللي اختارته عشان الحب مينفعش تتاجر وتساوم بيه دلوقتي».. سهير جودة تعلق على أزمة مسلسل ميجان وهاري الوثائقية