لبلبة: «الشحرورة كانت بتقول عاوزاني في آخر 5 سنين بعمرها»

دخلت الفنانة لبلبة في نوبة من البكاء بعد الحديث عن ذكرياتها مع الشحرورة الفنانة الراحلة صباح، حيث كانت تجمعهما علاقة صداقة قوية.

وقالت لبلبة خلال لقاءها في أحد القنوات التليفزيونية: "صعب أوي تقولي لحد أنتي بتحبيه إنك أزاي وحشتيه صحيح راحت عند ربنا لكن هي عايشة في وجدان كل الشعب اللي بيحبها والملايين اللي بتحبها وعايشة في قلبي".

وأضاف: "عايز أقولها إنها وحشتني أوي أنا صحيح بشوفها في الأفلام لكن أنا عايزة أشوف طلتها وجمالها وحلاوتها".

وأضافت: "هي كانت آخر 5 سنين لما كانت بتنزل مصر تقول لصحابها اللي بيعزموها عايزة لبلبة وكانت مش بتاكل غير لما أنا آجي وأشوفها".

وعلى جانب آخر، تحدثت لبلبة عن تعاونها مع الفنانة منى زكي في فيلم الجواهرجي، المقرر عرضه في السينمات قريبًا، مؤكدة أنها لن تتكرر مرة ثانية مثل عبد الحليم حافظ وأم كلثوم.

ويضم فيلم الجواهرجي، نخبة من أبرز الفنانين، منهم: محمد هنيدي، منى زكي، لبلبة، أحمد صلاح السعدني، ريم مصطفى، تارا عماد، وهو من تأليف عمر طاهر، وإخراج إسلام خيري.