بعد طرح أغنية الجوكر .. رانيا يوسف: «أي مجهول عايز يتشهر بيحشر اسمي»

ردت النجمة رانيا يوسف، بقوة وحسم على ذكر اسمها في أغنية "التالتة ممكن" لمغني الراب الجوكر، والتي تصدرت المرتبة الثانية فى تريند "اليوتيوب" خلال الساعات الماضية.

وأوضحت "يوسف" خلال مداخلة هاتفية مع الإعلامية ياسمين عز فى برنامج "كلام الناس" الذي يعرض على قناة "mbc مصر" بقولها: "أنا بصور ومش فاضية لأي حاجة من الحاجات دي، ولا أعرف أي حاجة عن الموضوع ده، واللي عمل كدة عايز يتشهر .. ما هو أي حد وأى مجهول عايز يتشهر بيحط اسمي في أي حاجة، مفيش حاجة غير كدة".

وتابعت: "الواحد مش معقولة هيسيب شغله وحياته ويدور على ناس مجهولة عايزة تتشهر على حسابه فبيقولوا أي حاجة وأي كلام.. وده قدرنا في السوشيال ميديا".

واختتمت "يوسف" بقولها: "أي حد عايز يعمل حوار عشان يتقري، بيحشر اسم رانيا في النص".

يذكر أن، الفنانة رانيا يوسف تشارك في بطولة مسلسل "المماليك" بجانب مجموعة من النجوم أبرزهم: "بيومي فؤاد، فيدرا، دوللي شاهين، محمد لطفي، محمد سليمان، رامي وحيد، نانسي صلاح، حنان سليمان، عمر حسن يوسف، وآخرون، ومن تأليف هشام هلال، وإخراج حازم فودة.