فيديو| مصطفي يونس: «الخطيب أسطورة واللي مشافش لعبه مشافش كورة»

علق مصطفى يونس نجم النادي الأهلي السابق، على عدم دعوته من قبل مجلس إدارة النادي الأهلي لتجمع رموز النادي للتواجد في فرع النادي بالتجمع الخامس.

وقال مصطفى يونس، في تصريحات تلفزيونية: «أنا معجون بالنادي الأهلي، أنا تربية صالح سليم، حبي للنادي الأهلي نابع من صالح سليم  هو اللي علمني حب الأهلي وعشقه، ولما أنتقد أحسن ما أسقف، أنا اتربيت على الصح صح والغلط غلط».

وتابع: «الأهلي الحاجة الوحيدة اللي بتسعدني، النادي الأهلي في دمي مش مجرد نادي بشجعه، خاصة بعدما لعبت بين صفوفه 15 سنة، وأكثر لاعب لعب مباريات والأقل غيابًا عن المباريات خلال الـ 15 سنة».

وأضاف: «جزئية إننا نتعزم أو منتعزمش دي بتاعهم هما، بالتأكيد كنت أتمنى أكون موجود في تلك المناسبة، لأنني عاوز النادي الأهلي يبقى أحسن نادي في الدنيا، ويوم ما قرأت خبر بدأ العمل في بناء استاد الأهلي، ده كان أسعد يوم في حياتي».

واختتم: «الخطيب أسطورة من أساطير كرة القدم، واللي مشافش الخطيب وهو بيلعب كورة مشافش كورة، وأنا طول عمري بقول عليه كده، وأنا بلعب معاه مكنتش بلعب معاه، أنا كنت بتفرج عليه وأنا بلعب معاه، ولكن إحنا مختلفين في الإدارة، ممكن أبقى صح وممكن أبقى غلط».

ووجه محمود الخطيب، رئيس النادي الأهلي، الأثنين الماضي، الدعوة لعدد من اللاعبين القدامى، من أجل التواجد في فرع النادي بالتجمع الخامس.