تامر حسني يدعم نجل محمد ثروت بعد إصابته بمرض نادر: «تقبل محنة كبيرة بمنتهى الحب»
كتب: نسرين إبراهيم
وجّه الفنان تامر حسني، رسالة دعم للمخرج والمطرب أحمد ثروت، نجل المطرب الكبير محمد ثروت، بعد إصابته بمرض مناعي نادر «متلازمة الميلر فيشر»، ويخضع حاليًا للعلاج في ألمانيا.
وكتب تامر حسني عبر حسابه «انستجرام»: «أحمد ثروت صديقي ونجل الفنان والمطرب الكبير الغالي محمد ثروت، تقبل محنة كبيرة من ربنا بمنتهي الحب والإيمان، وهي أنه يصاب بمرض نادر يأثر على رجله وميمشيش، وكان ساعتها بيحضر لـ زواجه».
وأضاف: «أثناء حديثي معه قولت له أنا كنت بكلمك عشان أهون عليك والحقيقة لاقيته مش محتاج، وهو من إيمانه بقضاء ربنا مهون على نفسه، ونفسيته في أعلى درجات الرضا وبيهزر ومبسوط، وقولت له ممكن تحول المحنة إلى منحة، وبالفعل قالي إنه بيعمل ده، وفاهم الاختبار كويس، وهينجح فيه وهيخف ويمشي على رجله تاني».
واستكمل: «أحمد ثروت فضل يحكي خلال مكالمتي معه عن حب أسرته واهتمامهم به ووفاء خطيبته وقد إيه الأزمة بينت معدنها الأصيل، وأنها بتدعمه وبتسهر على راحته طول الوقت، وأنا كمان بشكرهم وبشكرها على تربيتها وقلبها، وربنا يشفيك يا أحمد ويفرح قلبك بقدر ثقتك الكبيرة في ربنا وأفرح معاك في زفافك قريب إن شاء الله».
