حسام داغر: مكنتش مبسوط بدوري في «اللعبة»
كتب: إسراء محمد
علق الفنان الشاب حسام داغر، على الإشاعات والجدل المستمر حول الموسم الثالث من مسلسل «اللعبة»، وذلك بعدما عرض على منصة شاهد، فأغلب منتقدي المسلسل يرون أنه ضعيف ولا يمتلك الموضوعية.
وجاء تعليق حسام داغر، على حسابه الشخصي بموقع التواصل الاجتماعي «فيسبوك»، منشورا يوضح فيه عدم رضائه عن شخصية «رجب» التي يلعبها في الموسم الثالث وهي استمكال للموسم الثاني، بعدما كان متحمسا للدور من قبل ووعد الجمهور بمشاهدة كوميديا جيدة.
وقال حسام داغر في منشوره:« أنا بحب شيكو جداً .. و بحب كاست اللعبة كله بشكل عام .. بس أنا مش مبسوط من دور رجب معاهم الجزء ده بسبب إنه كان امتداد لدوره في الجزء الثاني ووافقت علي الجزء الجديد علي كلام ووعد من المجموعة إن دور رجب مكمل بسبب النجاح اللي حققته الشخصية قبل كده وأنا صدقت ودخلت تصوير على أساس ده وكان معانا عدد حلقات قليل».
واستطرد داغر:« لكن لقيت النتيجة ان بسبب مشاكل انتاجيه الدور متشال و تواصلت مع المؤلف و فريق الكتابة و قلت لهم بالنص لو اعرف مكنتش دخلت تصوير من الاول … لكن انا مش زعلان لان الحمد لله الناس عارفه كويس مين حسام و عارفين شغلي عامل ازاي قبل كده و في نفس الوقت انا كنت متحمس لما شيكو قالي انت احلي حاجه حصلت معايا في الجزء الي فات … انا حبيت بس اشاركم الي حصل خصوصاً ان دي اول مره تحصل معايا .. لكن لسه الواحد بيتعلم و هيفضل يتعلم».
جدير بالذكر أن مسلسل اللعبة، بطولة شيكو، هشام ماجد، مي كساب، أحمد فتحي، عارفة عبد الرسول، ميرنا جميل، محمد ثروت، سامي مغاوري، تأليف أحمد سعد والي، إخراج معتز التوني.
