خالد الفايد يثير الجدل من جديد: القرآن أصبح وسيلة لجلب الفلوس والمتابعين والشهرة

عاد المطرب المعتزل خالد الفايد للظهور مرة أخرى، عقب ما أثاره من جدل بسبب هجومه على المنتج الموسيقي هاني محروس منذ فترة قصيرة.

ونشر خالد الفايد، عبر حسابه بموقع التواصل الاجتماعي، فيسبوك، منشور قال فيه، " : الفترة الأخيرة بتابع الشباب والمحتوى الديني على السوشيال ميديا للأسف، اكتشفت إن القرآن أصبح وسيلة لجلب الفلوس والمتابعين والشهرة".

وأضاف، الفايد، " لاحظت ناس معينة بتمثل إنها بتبكي وهي بتقرأ وواضح جدًا إنهم بيمثلوا، أصبح القرآن مجرد كلام بنمثل بيه".

وتابع: "القراء القدامى رحمة الله عليهم زي المنشاوي كان بيعيد التسجيل علشان كان بيبكي، وعايز يخفي بكائه لكن دلوقتي بقينا نقول للناس شوفوني، وأنا بعيط وخاشع يا جماعة اللي عايز يمثل ويتمسخر ويتسهوك، يروح يقرأ سيناريو ويمثل في مسرح".

وأنهى حديثه قائلًا، " : دين ربنا مش دين لقطة ولا دين لايك ولا دين فولو، اتقوا الله شوية وبطلوا رياء الكلام مقصود لكل مشاهير القراءة في السوشيال ميديا في مصر، وهيشوفوا كلامي ومعظمهم صحابي واللي يزعل يزعل، أنا متعود أقول كلمة الحق في وش أي حد".