رغم أنف بسمة بوسيل.. زينة تنحاز لـ هالة عمر وتهنئها على الزفاف

وقالت زينة: "الوحيد اللي شاف أبويا وقعد معاه، عشرة عمر وأخ عائليًا وأسريًا، والوحيد اللي دخل بيتي ودي حاجه نادرة لأن أنا أبويا متوفي بقاله كتير أوي، وبحب تامر جدًا جدًا.. وفي مشكلة مرض أختي كان هو قبلي في المستشفى، أنا معنديش عُمر تاني أعوض به تامر يعني اللي فات من عُمري ماضمنش أعيش قده تاني عشان أعوض صديق زي تامر".

كما أكدت بأن صداقتها مع "تامر"، لن يستطيع أحد التشويش أو التأثير عليها بقولها: "عمر الصداقة دي ما هتتحول، ولا حد هيأثر عليها واحنا في حالنا أنا في حالي وشغلي وبيتي وهو كمان، لو حد سألني على حاجة وأنا مبردش بقول تامر مقليش أقول حاجة أو اتفقنا على حاجة".

أما عن حقيقة توسطها في الخلافات بين تامر وزوجته بسمة بوسيل في ذلك الوقت، كونها -صديقة مقربة منه-، أوضحت زينة أنها تتجنب التدخل إحترامًا منها لحياته الخاصة، وأضافت: "تامر صارم جداً في بيته وراجل أوي ومبيسمحش بتدخلات أي حد وأنا بحترم فيه كده، أبويا كان كده، مش ممكن لو أبويا أو أمي اتخانقوا مع بعض حد يعرف، فمش من حقي اتكلم في حياته الشخصية".

انفصال تامر حسني وبسمة بوسيل 

وكانت، بسمة بوسيل قد أعلنت انفصالها مؤخرًا عن تامر حسني عبر خاصية الاستورى بحسابها على «إنستجرام»، وعلقت قائلة: «وجعلنا بينكم مودة ورحمة ده كلام ربنا في الزواج والطلاق، لقد تم الطلاق بيني وبين تامر وسيظل بينا كل ود واحترام، وربنا يكتبلك ويكتبلي كل الخير أمين يارب».

ورد عليها تامر حسني أيضًا عبر ستورى على حسابه «إنستجرام» قائلاً: «جعلنا بينكم مودة ورحمة، بين الأزواج في كل حالاتهم سواء تزوجوا أو لم يقدر الله الاستمرار، فانفصلوا بالاتفاق الطيب، ستظل بيننا المودة والرحمة وأجمل أولاد وسيظل بيننا الاحترام والتقدير، عشرة 12 عاما مش هينة، وربنا يكتب لك كل الخير يا بسوم سأظل الأب والأخ والصديق والسند، في حفظ الله».

ويأتي الطلاق بعد 12 عام من الزواج، وأنجبا ثلاثة أطفال هما تاليا وأمايا وآدم.