عمرو مصطفى: هنزل أغنية "افتكرلك أية" بصوت أم كلثوم والجمهور اللى يحكم بعدها

أكد المطرب والملحن عمرو مصطفى، أنه تم التصالح بينه وبين أسرة كوكب الشرق أم كلثوم، وأشار في حديثه عن أسباب اتجاهه إلى استخدامه تقنية الذكاء الاصطناعي.

وقال عمرو مصطفى في لقاء له مع أحدى البرامج التلفزيونية: أنا شايف أن ورثة كل العظماء اللي توفوا جاتلهم الفرصة أن يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية.

وأضاف: مش غرور بس أنا اسمي وشغلي والـ 30 سنة اللي اشتغلتهم يسمحولي إني أجرب وأشوف، الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية.

وكشف عمرو أنه سوف يصدر أغنية "افتكرلك إيه" بصوت أم كلثوم، قائلًا: أغنية افتكرلك إيه هتنزل كاملة بصوت أم كلثوم بعدما تصالحت مع الورثة، وإحنا سايبين الجمهور يحكم، وهاخد كل كلام الجمهور وهروح بيه لأسرة أم كلثوم وأقولهم ده حكم الجمهور لو تمام هتنزل الأغنية.