نجيب ساويرس: أنا مش سفيه.. ومحتاجين معجزة عشان نكسب السنغال
كتب: محمود جودة
علق رجل الأعمال نجيب ساويرس، على المباراة المرتقبة بين منتخبي مصر والسنغال، في إياب المرحلة الأخيرة من التصفيات الإفريقية المؤهلة لكأس العالم 2022 في قطر، والمقرر لها غد الثلاثاء.
وقال "ساويرس": "احنا محتاجين معجزة عشان نكسب لأن بتوع السنغال شرسين جدًا ونفسهم طويل"، مؤكدًا أهمية ثقة منتخبنا وهدوءه والتعامل مع المباراة بشكل صحيح من البداية لتحقيق الفوز.
وأضاف "ساويرس"، في مداخلية تليفزيونية: "المباراة هناك كانت جيدة خاصة في الشوط الأول.. في الشوط التاني كنا بندافع بس، وجه غلط"، مضيفًا: "مباراتنا هناك لازم نركز فيها على الهجوم، حتى لا يتكرر وضع الشوط الثاني في مباراتنا أمامهم في استاد القاهرة.
وحول ما أثير عن إلقاء الأموال على الجماهير في استاد القاهرة، خلال حضوره مباراة مصر والسنغال قال نجيب ساويرس: "احنا كان معانا بلالين من اللي بتتنفخ وتعمل صوت عالي في المقصورة، ووزعت على كل الجماهير اللي ما كانش معاهم حتى بتوع السنغال".
وأكد "ساويرس": "اللي قال إن أنا برمي فلوس على الناس ده واحد بيستظرف.. لا أنا مش سفيه ولا هاعمل حاجة غبية كدة.. واللي همني اننا كسبنا المباراة".
