ميكا: تامر حسني أحسن شخصية في الدنيا

أعرب الفنان الشاب سيد أسامة الشهير بشخصية "ميكا"، عن سعادته الشديدة بتعاونه مع النجم تامر حسني، وانضمامه لفيلمه الجديد "ريستارت" الذي يستعد له.

ونشر ميكا، صورة له مع تامر حسني، عبر حسابه الرسمي على "إنستجرام"، وعلق عليها، قائلا: "الحمدلله رب العالمين، من أحلي يوم في حياتي النهارده اتعرفت علي أحسن شخصيه في الدنيا، الأستاذ تامر حسني بجد سعيد اوي اوي إني هشتغل مع نجم الجيل ونجم كل جيل وأنا بحب الرحلة بتاعتو اوي شخص شقي جداً واشتغل علي نفسو جامد اوي اوي لحد ما بقا اسم عظيم جدا جدا في مجالو فنان بمعني الكلمة بجد".

وأضاف: "وغير كل ده هو إنسان علي المستوي الشخصي بني أدم عسل اوي اوي وتحبو علطول بجد مش كلام من اجدع الناس لي هتشوفهم في حياتك".

واختتم: "وإن شاء الله أكون عند حسن ظنك بيه يااستاذي، توكلنا على الله ويارب تكون فتحت خير علينا كلنا".

تامر حسني يعلن انضمام "ميكا" لفيلمه الجديد

وكان قد أعلن النجم تامر حسني انضمام الممثل الصاعد ميكا لأحدث أفلامه "ريستارت" الذي بدأ الاستعداد له منذ فترة.

نشر تامر حسني صورة تجمعه بميكا وعلق كاتبا: "ميكا الوجه الجديد العسل أبو دم خفيف، انضم لاسرة فيلم (ريستارت) النهارده، وللعلم اسمه الحقيقي سيد أسامه، وإن شاء الله ليه مستقبل كبير في التمثيل شوفته النهارده انسان طيب و بيشقى من زمان مبروووووك يا ميكااااا".

وكان سيد أسامة شارك في مسلسل «خالد نور وولده نور خالد» في دور "ميكا" ابن شقيق كريم محمود عبد العزيز، واشتهرت مشاهده بالكوميديا بسبب اللغة الغريبة التي يتحدثها.

وكان تامر حسني كشف أنه بدأ تحضيرات فيلم سينمائي جديد، يتعاون فيه مع السيناريست أيمن بهجت قمر، والمخرجة سارة وفيق، ويشارك في بطولته كل من باسم سمرة وهنا الزاهد.

اقرأ أيضا: نادر حمدي يرزق بمولودة جديدة: الحمد لله على تمام النعمة بـ"كنز"