أمير عيد عن أدائه في «دواعي السفر»: «لسه محتاج أتعلم تمثيل»

عبر الفنان أمير عيد عن سعادته برد فعل الجمهور على مسلسل "دواعي السفر" واعترف أنه لا يزال بحاجة إلى تعلم المزيد عن التمثيل.

وكتب أمير عيد عبر حسابه بموقع X: "عايز أشكركم كمان بقي بما إني برغي انهارده على كلامكم الحلو عن مسلسل دواعي السفر مكنتش اتصور أن ممكن حد يشكر في تمثيلي سواء نقاد أو جمهور وعارف اني لسه محتاج اتعلم أكتر لو حبيت أمثل تاني .. وعارف أنكم كنتوا بتعدولي حاجات عشان بتحبوني أو بتحبوا أغانيه وكده. كان نفسي أقولكم والله دي شخصيتي الحقيقية ولا لأ في المسلسل بس أنا مش عارف شخصيتي الحقيقية أوي أنا كل يوم بشخصية".

وحرص أمير عيد على تهنئة جمهوره بعيد الأضحى معبرا عن حبه الكبير لهم: "كل سنة وأنتم طيبين عايز أقول حاجة وعارف أنها مش لايقه عليه بس أنا بحبكم جدا".

وتابع أمير عيد: "مش اللي هو بقول بحبكم المعروفة اللي بتتقال في المناسبات وكده أو عشان تحبوني وتسمعوني. لأ أنا بحبكم فعلا ورسايلكم اللي بتجيلي بتفرق معايا في حياتي وبتأثر فيا وبتلهمني. وعارف أن هي علاقة استثنائية مش موضوع فنان ومعجبين وكده. أنا عارف أنها حاجة أكبر من كده وإننا نشبه بعض أو إخوات مثلا .. أو أنا يعني بظن أو بدعي ذلك. عيد سعيد".