«عملنا اللي علينا».. رحمة حسن تكشف تطورات حالتها بعد تعرضها لعضة كلب
كتب: نسرين إبراهيم
كشفت الفنانة رحمة حسن، عن تطورات حالتها بعد تعرضها لعضة كلب في شهر يونيو الماضي، وإصابتها بنزيف شديد في منطقة حساسة مكان الإصابة، وأيضا موقف أصحاب الكلب بعد وعد سابق له بإرساله لمركز تدريب من أجل تأهيله مقابل عدم تحرير محضر منها.
وقالت رحمة حسن في منشور جديد لها، عبر حسابها الرسمي على "إنستجرام": "للأسف إحنا عملنا اللي علينا ومحصلش أي جديد بخصوص الكلب، وكل شوية تأجيل تأجيل، بداية بإن مفيش مكان عاوز يقبل الكلب لأن سنه 4 سنين ونص، لحد آه إن شاء الله بعد العيد نبقى نجيبله مدرب البيت بس لسه مش عارفين امتى".
أضافت: "حبيبت بس أشارك معاكم اللي حصل، امبارح كانت آخر حقنة ليّا، وطبعا بعدها تعبانة لمدة يومين ومن أسبوعين فاتوا، بعد الحقنة الرابعة دخلت المستشفى بالليل لأني كنت تعبانة جدا بعدها، لو الكلب كان مدرب أو عارف أن مينفعش يهجم على إنسان من الأول مكنش كل ده حصل، وللأسف مفيش مسئولية".
وكانت قد تعرضت رحمة حسن، لهجوم في الشارع من كلب شرس، ولم تتمكن من إنقاذ نفسها، حيث أصابها في منطقة حساسة، وتعرضت لنزيف شديد وتتلقى حاليا العلاج.
يذكر أن رحمة حسن شاركت في موسم رمضان الماضي، بمسلسل "ملف سري"، بطولة هاني سلامة، ماجد المصري، دينا، محمد محمود عبد العزيز، ومادلين طبر، ومن إخراج حسن البلاسي.
View this post on Instagram
